ஆப்கானுடனான டெஸ்ட்: 3 நாளில் வென்றது இந்தியா

ஆப்கானிஸ்தானுடனான டெஸ்ட் கிரிக்கெட்டில் இந்தியா, இன்னிங்ஸ் மற்றும் 300 ரன்கள் வித்தியாசத்தில் திங்கள்கிழமை வெற்றி பெற்றது.

- 

முதல் இன்னிங்ஸில் இந்திய அணியின் அறிமுக வீரர் மானவ் சுதாரின் பந்துவீச்சுக்குக் கட்டுப்பட்ட ஆப்கானிஸ்தான், 2-ஆவது இன்னிங்ஸில் வாஷிங்டன் சுந்தர், குல்தீப் யாதவ் ஆகியோரின் சுழற்பந்துவீச்சில் முற்றிலுமாக சரிக்கப்பட்டது. மானவ் சுதர் ஆட்டநாயகன் விருது பெற்றார்.

பஞ்சாப் மாநிலம், முலான்பூரில் கடந்த 6-ஆம் தேதி தொடங்கிய இந்த ஆட்டத்தில், டாஸ் வென்ற இந்தியா பேட்டிங்கை தேர்வு செய்தது.

கேப்டன் ஷூப்மன் கில், தொடக்க வீரர்களில் ஒருவரான கே.எல். ராகுல் ஆகியோர் சதம் விளாசியது, சாய் சுதர்சன், ரிஷப் பந்த் சதத்துக்கு நெருக்கமாக வந்தது, வாஷிங்டன் சுந்தர் அரை சதம் கடந்தது, என இந்தியா 8 விக்கெட்டுகள் இழப்புக்கு 564 ரன்கள் சேர்த்து டிக்ளேர் செய்தது. ஆப்கானிஸ்தான் பௌலிங்கில் முகமது சலீம் சவால் அளித்தார்.