நிகழாண்டு இறுதிக்குள் அமெரிக்காவுடன் வர்த்தக ஒப்பந்தம்: எஸ்.ஜெய்சங்கர்

'அமெரிக்காவின் பரஸ்பர வரி விதிப்பின் தாக்கம் எவ்வாறு இருக்கும் என்பது இன்னும் தெரியவில்லை; நிகழாண்டு இறுதிக்குள் இருதரப்பு வர்த்தக ஒப்பந்தத்தை இறுதி செய்வதே, நிலைமையை கையாள்வதற்கான இந்தியாவின் வியூகம்' என்று வெளியுறவுத் துறை அமைச்சர் எஸ்.ஜெய்சங்கர் தெரிவித்தார்.

- 

புது தில்லி, ஏப். 9:

அமெரிக்க பொருள்கள் மீது அதிக வரி விதிக்கும் இந்தியா உள்பட 25 நாடுகள் மீது பரஸ்பர வரி விதிப்பு நடவடிக்கையை அதிபர் டிரம்ப் சில தினங்களுக்கு முன் மேற்கொண்டார். இந்தியா மீது 26 சதவீதமும், அண்டை நாடுகளான இலங்கை, சீனா மீது முறையே 44, 34 சதவீதமும் வரி விதிக்கப்பட்டுள்ளது.

உலகளாவிய வர்த்தக சிக்கல்கள் மற்றும் பொருளாதார மந்த நிலைக்கு இது வழிவகுக்கும் என அஞ்சப்படும் நிலையில், இந்த விவகாரத்தில் முதல் முறையாக எஸ்.ஜெய்சங்கர் விரிவாக பதிலளித்துள்ளார்.