இந்திய கடற்படையில் புதிய போர்க்கப்பல் ‘ஐஎன்எஸ் தமால்’

ரஷியாவிலிருந்து ஜூலை 1-இல் நாட்டுக்கு அர்ப்பணிப்பு

- 

புது தில்லி, ஜூன் 22: இந்திய கடற்படைக்காக ரஷியாவில் தயாரிக்கப்பட்ட ஏவுகணை தாங்கிய போர்க்கப்பல் ‘ஐஎன்எஸ் தமால்’, ரஷியாவின் கடலோர நகரமான கலினின்கிராடில் இருந்து ஜூலை 1-ஆம் தேதி நாட்டுக்கு அர்ப்பணிக்கப்படுகிறது.

கடல், நிலம் ஆகிய இரண்டிலும் இலக்குகளைக் குறிவைக்கும் ‘பிரமோஸ்’ நீண்ட தூர ஏவுகணை உள்பட இந்தக் கப்பலில் 26 சதவீத தொழில்நுட்பம், திறன்கள் மற்றும் உபகரணங்கள், இந்தியாவில் மேம்படுத்தப்பட்டவை என்று அதிகாரிகள் தெரிவித்தனர்.