ஆசிய இளையோர் கபடியில் தங்கம் வென்ற தமிழக வீரர்களுக்கு தலா ரூ.25 லட்சம்

ஆசிய இளையோர் விளையாட்டுப் போட்டியில் கபடியில் தங்கப் பதக்கம் வென்ற தமிழகத்தைச் சேர்ந்த அபினேஷ் மோகன்தாஸ், கார்த்திகா ரமேஷ் ஆகியோருக்கு தலா ரூ.25 லட்சம் ஊக்கத் தொகையை முதல்வர் மு.க. ஸ்டாலின் வழங்கினார்.

- 

முதல்வரின் இல்லத்துக்கு ஞாயிற்றுக்கிழமை சென்ற வீரர்கள் இருவரும், அவரிடம் தங்கப் பதக்கங்களைக் காண்பித்து வாழ்த்து பெற்றனர்.

இதுகுறித்து சமூக வலைதளத்தில் பதிவிட்டிருந்த முதல்வர் மு.க.ஸ்டாலின், பைசன் திரைப்படத்தில் கண்ட மணத்தி கணேசன் தொடங்கி, அபினேஷ், கார்த்திகா வரை எளிய பின்புலங்களில் இருந்து சாதிக்கும் ஒவ்வொரு வீரரின் வெற்றியிலும் சமூக நீதி மண்ணான தமிழ்நாடு பெருமை கொள்கிறது என்று தெரிவித்திருந்தார்.

அரசு சார்பில் வெளியிடப்பட்ட செய்திக் குறிப்பில், விளையாட்டுத் துறையில் இந்தியாவிலேயே சிறந்த மாநிலமாக தமிழ்நாட்டை உருவாக்க பல்வேறு முனைப்பான நடவடிக்கைகளை அரசு எடுத்து வருகிறது.