கில், ஷமி அசத்தலில் இந்தியாவுக்கு முதல் வெற்றி

வங்கதேசத்தை வீழ்த்தியது

- 

துபை, பிப். 20: சாம்பியன்ஸ் கோப்பை கிரிக்கெட் போட்டியின் 2-ஆவது ஆட்டத்தில் இந்தியா 6 விக்கெட்டுகள் வித்தியாசத்தில் வங்கதேசத்தை வியாழக்கிழமை வீழ்த்தியது.

முதலில் வங்கதேசம் 49.4 ஓவர்களில் 228 ரன்களுக்கு ஆட்டமிழக்க, இந்தியா 46.3 ஓவர்களில் 4 விக்கெட்டுகள் இழப்புக்கு 231 ரன்கள் எடுத்து வென்றது.

இந்த ஆட்டத்தில் முதலில் முகமது ஷமி 5 விக்கெட்டுகள் சாய்த்து பௌலிங்கில் சிறப்பாக பங்களிக்க, பின்னர் பேட்டிங்கில் ஷுப்மன் கில் சதம் விளாசி அணியை வெற்றிக்கு வழிநடத்தினார். அவரே ஆட்டநாயகன் விருது பெற்றார்.

துபையில் நடைபெற்ற இந்த ஆட்டத்தில் டாஸ் வென்ற வங்கதேசம், பேட்டிங்கை தேர்வு செய்தது. அதன் இன்னிங்ஸில் சௌம்யா சர்கார் 0, கேப்டன் நஜ்முல் ஹுசைன் ஷான்டோ 0, மெஹிதி ஹசன் மிராஸ் 5 ரன்களுக்கு அடுத்தடுத்து வெளியேற, 26 ரன்களுக்கே 3 விக்கெட்டுகளை இழந்தது வங்கதேசம்.