நிகழாண்டில் 18 வீரர்கள், 36 பேர் உயிரிழப்பு

ஜம்முவின் ரஜௌரி, பூஞ்ச் ஆகிய எல்லை மாவட்டங்களில் கடந்த மூன்று ஆண்டுகளாக தொடர்ந்து வந்த பயங்கரவாதக் குழுக்களின் செயல்பாடுகள் நிகழாண்டில் பிராந்தியத்தின் மற்ற மாவட்டங்களுக்கும் பரவலாகியுள்ளது.

நிகழாண்டு இதுவரை ஜம்மு பிராந்தியத்தின் 10 மாவட்டங்களில் 8 மாவட்டங்களில் நடந்த வெவ்வேறு தாக்குதல்களில் 18 பாதுகாப்புப் படை வீரர்கள், 13 பயங்கரவாதிகள் உள்பட 44 பேர் உயிரிழந்ததாக அதிகாரிகள் திங்கள்கிழமை தெரிவித்தனர்.

அதிகாரப்பூர்வ தரவுகளின்படி, தோடா, கதுவா மற்றும் ரியாசி ஆகிய மாவட்டங்களில் தலா 9 பேர், கிஷ்த்வாரில் 5 பேர், உதம்பூரில் 4 பேர், ஜம்மு மற்றும் ரஜௌரியில் தலா 3 பேர், பூஞ்ச் மாவட்டத்தில் இருவர் உயிரிழந்தனர்.

கதுவாவில் 7 பாதுகாப்புப் படை வீரர்கள், தோடாவில் 5 பேர், கிஷ்த்வாரில் 3 பேர், பூஞ்ச் மாவட்டத்தில் 2 பேர், உதம்பூரில் ஒருவர் பயங்கரவாதச் சம்பவங்களில் வீரமரணமடைந்தனர்.