முஸ்லிம்களுக்கு பாதுகாப்பற்ற உணர்வு ஏற்பட எந்தக் காரணமும் இல்லை

‘இந்தியாவில் முஸ்லிம்களின் எண்ணிக்கை அதிகரித்திருப்பதோடு, அரசுத் திட்டங்களில் அவா்களும் சமமாக பலனடைகின்றனா். எனவே, அவா்கள் பாதுகாப்பற்க உணர எந்தக் காரணமும் இல்லை’ என்றாா் மத்திய தகவல் மற்றும் ஒலிபரப்புத் துறை அமைச்சா் அனுராக் தாக்குா்.

 

நாட்டில் கடந்த 1950 முதல் 2015 வரையிலான காலகட்டத்தில் ஹிந்துக்களின் எண்ணிக்கை 7.82 சதவீதம் சரிவடைந்துள்ளதாகவும், முஸ்லிம்கள் எண்ணிக்கை 43.15 சதவீதம் அதிகரித்துள்ளதாகவும் பிரதமரின் பொருளாதார ஆலோசனைக் குழுவின் சமீபத்திய ஆய்வறிக்கையில் தெரிவிக்கப்பட்டது.

இந்நிலையில், பிடிஐ செய்தி நிறுவனத்துக்கு பேட்டியளித்த அனுராக் தாக்குா், மேற்கண்ட விவகாரம் குறித்து கூறியதாவது:

நாட்டில் கடந்த 65 ஆண்டுகளில் ஹிந்துக்கள் எண்ணிக்கை 7.8 சதவீத சரிவை சந்தித்துள்ளது. மற்றொருபுறம், முஸ்லிம்கள் எண்ணிக்கை கிட்டத்தட்ட 45 சதவீதம் அதிகரித்துள்ளது. இந்த புள்ளி விவரங்கள் இப்போதுதான் வெளிவந்துள்ளன. மக்கள்தொகை ரீதியிலான இந்த மாற்றத்தின் பின்னணியில் உள்ள காரணங்கள் குறித்து ஆராய வேண்டியுள்ளது. மத்தியில் அடுத்து அமையும் பாஜக அரசு, இதுகுறித்து விவாதித்து முடிவெடுக்கும்.