காஸாவில் உணவுக்காக காத்திருந்தவர்கள் மீது துப்பாக்கிச்சூடு உயிரிழப்பு |I2-ஆக அதிகரிப்பு

காஸா, மார்ச் 1: காஸாவில் உதவிப் பொருள்களுக்காக காத்திருந்தவர்கள் மீது இஸ்ரேல் படையினர் நடத்திய துப்பாக்கிச்சூட்டில் உயிரிழப்பு 112-ஆக அதிகரித்தது.

இத்தாக்குதல் தொடர்பாக பாரபட்சமற்ற விசாரணை நடத்தப்படவேண்டும் என்று அமெரிக்கா, பிரான்ஸ், ஜெர்மனி உள்ளிட்ட உலக நாடுகளின் தலைவர்கள் வலியுறுத்தியுள்ளனர்.

இது குறித்து இந்திய வெளியுறவுத் துறை அமைச்சகம் வெள்ளிக்கிழமை வெளியிட்டுள்ள அறிக்கையில், 'காஸாவின் தற்போதைய நிலவரம் மிகவும் கவலையளிப்பதாக உள்ளது. இதுபோன்ற சம்பவங்களில் பொதுமக்கள் உயிரிழப்பு ஏற்படுவதும், நிவாரணப் பொருள்கள் தட்டுப்பாட்டால் பொதுமக்கள் அவதியுறுவதும் அதிகபட்ச கவலையை ஏற்படுத்துபவை ஆகும்' என்று குறிப்பிடப்பட்டுள்ளது.

அமெரிக்கா: அமெரிக்க அதிபர் ஜோ பைடன் கூறியதாவது: காஸா சிட்டியில் பொதுமக்கள் மீது துப்பாக்கிச்சூடு நடத்தப் பட்டுள்ள சம்பவம் அதிர்ச்சியளிக்கிறது.  சம்பவம் காஸா போரை முடிவுக்குக் கொண்டு வருவதற்கான பேச்சுவார்த்தையை மேலும் சிக்கலாக்கும் என்றார்.

அமெரிக்க வெளியுறவுத்துறை அமைச்சக செய்தித் தொடர்பாளர் மேத்யு மில்லர் கூறுகையில், 'இந்தச் சம்பவம் தொடர்பான கூடுதல் விவரங்களை உடனடியாக அறிந்து கொள்ள வேண்டியது அவசியம்.

இது தொடர்பான விசாரணையை அமெரிக்க அரசு உன்னிப்பாக கவனிக்கும். துப்பாக் கிச்சூட்டின் பின்னணியில் உள்ள உண்மைகளை முழுமையாக வெளிக்கொண்டு வர இஸ்ரேலுக்கு அமெரிக்கா அழுத்தம் கொடுக்கும்' என்றார் அவர்.

பிரான்ஸ்: காஸா சிட்டியில் நடத்தப்பட்ட வியாழக்கிழமை துப்பாக்கிச்சூடுதொடர்பாக சுதந்திரமான விசாரணை நடத்தப்பட வேண்டும் என்று பிரான்ஸ் வலியுறுத்தியுள்ளது.