தமிழகத்தைச் சேர்ந்தவர்களுக்கு பாதிப்பில்லை - அமைச்சர் உதயநிதி ஸ்டாலின்

ஒடிஸா ரயில் விபத்தில் தமிழகத்தைச் சோ்ந்தவா்களுக்கு பாதிப்பு இல்லை என இளைஞா் நலன் மற்றும் விளையாட்டு மேம்பாட்டுத் துறை அமைச்சா் உதயநிதி ஸ்டாலின் தெரிவித்தாா்.

ரயில் விபத்து நிகழ்ந்த ஒடிஸாவுக்கு சென்றுவிட்டு ஞாயிற்றுக்கிழமை சென்னை திரும்பிய அமைச்சா் உதயநிதி, விமான நிலையத்தில் செய்தியாளா்களுக்கு அளித்த பேட்டி:

ஒடிஸாவில் நிகழ்ந்த ரயில் விபத்து மிகவும் துயரமான சம்பவம். தமிழா்கள் அதிகம் பாதிக்கப்பட்டிருப்பாா்கள் என முதலில் செய்தி வந்தது. இதையடுத்து சம்பவம் நடந்த இடத்துக்குச் சென்றோம். ரயில் விபத்தில் பாதிக்கப்பட்டு சிகிச்சை பெற்று வருபவா்கள் அனுமதிக்கப்பட்டுள்ள மருத்துவமனைக்குச் சென்றோம். உடல்கள் வைக்கப்பட்டிருந்த அறைக்கும் சென்று பாா்த்தோம். அங்கு தமிழா்கள் யாரும் இல்லை என்றனா்.

ஒடிஸாவில் உள்ள அரசு அதிகாரிகளுடனும் ஆலோசனை நடத்தினோம். எங்கும் தமிழா்கள் பாதிக்கப்படவில்லை என்று தெரிவித்தனா்.

கோரமண்டல் ரயிலில் முன்பதிவு செய்தவா்களில் 128 போ் தமிழா்கள். ஞாயிற்றுக்கிழமை மதியம் 1.30 மணி வரை ஆய்வில் ஈடுபட்டிருந்தோம். பாதிக்கப்பட்டவா்களின் உறவினா்கள் தொடா்பு கொள்ள வசதியாக, ஒடிஸாவில் கட்டுப்பாட்டு அறைகள் அமைக்கப்பட்டுள்ளன. அதற்கான உதவி எண்கள் கொடுக்கப்பட்டுள்ளன. தமிழா்கள் குறித்த அழைப்புகள் வரவில்லை எனக் கட்டுப்பாட்டு மையத்தில் இருந்தவா்கள் தெரிவித்தனா்.