ராகுல் காந்தி தகுதிநீக்கம்: நாடு முழுவதும் காங்கிரஸ் போராட்டம்

காங்கிரஸ் முன்னாள் தலைவர் ராகுல் காந்தி மக்களவையில் இருந்து தகுதிநீக்கம் செய்யப்பட்டதற்கு எதிர்ப்பு தெரிவித்து நாடு முழுவதும் அக்கட்சி சார்பில் சத்தியாகிரக போராட்டம் நடத்தப் பட்டது.

கடந்த 2019 மக்களவைத் தேர்தலுக்கான வாக்கு சேகரிப்பின்போது, பிரதமர் நரேந்திர மோடியை மறைமுகமாக விமர்சிக்கும் வகையில் ராகுல் காந்தி கருத்து தெரிவித்தார். அக்கருத்து ஒட்டுமொத்த மோடி சமூகத்தினரையும் அவமதித்ததாக குஜராத்தின் சூரத் மாவட்டத்தில் வழக்கு தொடரப்பட்டது. அந்த வழக்கை விசாரித்த நீதிமன்றம், ராகுல் காந்திக்கு இரு ஆண்டுகள் சிறைத் தண்டனை விதித்தது. அதன் காரணமாக, மக்கள் பிரதி நிதித்துவச் சட்டத்தின்படி ராகுல் காந்தியை வயநாடு எம்.பி. பதவியில் இருந்து தகுதிநீக்கம் செய்வதாக மக்களவைச் செயலகம் அறிவித்தது.