வெள்ளநீரை அகற்ற விரைவான நடவடிக்கை

சீர்காழி, கடலூரில் ஆய்வு செய்த முதல்வர் ஸ்டாலின் உத்தரவு

மயிலாடுதுறை மாவட்டம் சீர்காழி மற்றும் கடலூர் மாவட்டத்தில் பலத்த மழையால் பாதிக்கப்பட்ட பகுதிகளை திங்கள்கிழமை பார்வையிட்ட முதல்வர் மு.க. ஸ்டாலின், வெள்ளநீரை உடனடியாக அகற்ற விரைவான நடவடிக்கை களை மேற்கொள்ளுமாறு அதி காரிகளுக்கு உத்தரவிட்டார்.

வடகிழக்குப் பருவமழையின் தீவிரத்தால், மயிலாடுதுறை மாவட்டம், சீர்காழியில் 30 ஆயிரம் ஏக்கர் நெற்பயிர்கள் நீரில் மூழ்கி அழுகும் நிலை ஏற்பட்டுள் ளது. குடியிருப்புப் பகுதிகளில் மழைநீர் தேங்கியதால், மாவட் டம் முழுவதும் அமைக்கப்பட் டுள்ள 58 முகாம்களில் 13,307 குடும்பங்களைச் சேர்ந்த 32,972 பேர் தங்கவைக்கப்பட்டுள்ளனர்.

இந்நிலையில், சீர்காழி பகுதி யில் மழை பாதிப்புகளைப் பார்வையிட திங்கள்கிழமை வந்த முதல்வர் மு.க.ஸ்டாலின், பச்சைபெருமாநல்லூர் அரசு உதவி பெறும் தொடக்கப் பள்ளியில் அமைக்கப்பட்டுள்ள தற்காலிக முகாமுக்குச் சென்று, அங்கு தங்கியுள்ளவர்களுக்கு வழங்கப்படும் உணவின் தரத்தை ஆய்வு செய்தார். அப்போது, அங்குள்ள 300 பேருக்கு தேநீர், பிஸ்கட், பிரட் போன்றவற்றை அவர் வழங்கினார். தொடர்ந்து, அந்தப் பகுதியில் நடைபெற்ற மருத்துவ முகாமை பார்வையிட்டார்.