கைத்தறி நெசவாளர்கள், ஏற்றுமதியாளர்களுக்கு விருது

சென்னை, ஆக. 8: பட்டு, பருத்தி ரகங்களுக்கான சிறந்த கைத்தறி நெசவாளர்கள், ஏற்றுமதியாளர்களுக்கான விருதுகளை முதல்வர் மு.க.ஸ்டாலின் வழங்கினார். இதற்கான நிகழ்ச்சி சென்னை தலைமைச் செயலகத்தில் திங்கள்கிழமை நடைபெற்றது.

இதுகுறித்து தமிழக அரசு வெளியிட்ட செய்திக் குறிப்பு: கைத்தறி மற்றும் துணிநூல் துறை மானியக் கோரிக்கையில், மாநில அளவிலான சிறந்த கைத்தறி விருது வழங்கும் திட்டத்தின் கீழ், பரிசுத் தொகை உயர்த்தி வழங்கப்படும் என அறிவிக்கப்பட்டது.

அதன்படி,சிறந்தகைத்தறி நெசவாளர் விருதுக்குரிய முதல் பரிசுக்கான தொகை ரூ.1 லட்சத்தில் இருந்து ரூ.5 லட்சமாகவும், இரண்டாவது பரிசுக்கான தொகை ரூ.75 ஆயிரத்தில் இருந்து ரூ.3 லட்சமாகவும், மூன்றாம் பரிசுக்கான தொகை ரூ.50 ஆயிரத்தில் இருந்து ரூ.2 லட்சமாகவும் உயர்த்தி வழங்கி அரசாணை வெளியிடப்பட்டது.