மின்சார வாகனங்களின் பயன்பாட்டை அதிகரிக்க வேண்டும்

சுற்றுச் சூழலைப் பாதுகாக்கும் வகையில் மின்சார வாகனங்களின் பயன்பாட்டை அதிகரிக்க வேண்டும் என்று பாமக தலைவர் அன்புமணி ராமதாஸ் கூறினார்.

பசுமை தாயகம் சார்பில் உருவாக்கப்பட்ட சென்னை தூய காற்று செயல் திட்டத்துக்கான வரைவு நகலை சென்னையில் ஞாயிற்றுக்கிழமை அன்புமணி வெளியிட்டார்.

பின்னர் அவர் செய்தியாளர்களிடம் கூறியதாவது:

உலகளவில் காற்று மாசால் 70 லட்சம் பேர் உயிரிழக்கின்றனர். சென்னையில் மட்டும் ஆண்டுக்கு 11 ஆயிரம் பேரும், நாளொன்றுக்கு 20 பேரும் காற்று மாசுவால் உயிரிழக்கின்றனர். தமிழகத்தில் வாகன எண்ணிக்கை உயர்ந்துகொண்டு வருகிறதே தவிர, அரசு பொது போக்குவரத்துக்கான பேருந்துகள் அதிகரிக்கப்படவில்லை.