నేనో రాష్ట్రానికి సీఎంను..పారిపోయే వ్యక్తిని కాదు

ఈడి తీరు వేధింపు తరహాలోనే సాగుతోంది అక్రమాలను భూతద్దంలో చూపేలా చేస్తున్నారు జేఎంఎం సర్కార్ను అస్థిరపరచే కుట్రలో బిజెపి ఈడి విచారణకు హజరయ్యే ముందు హేమంత్

ఈడి తీరు వేధింపు తరహాలోనే సాగుతోంది

అక్రమాలను భూతద్దంలో చూపేలా చేస్తున్నారు

జేఎంఎం సర్కార్ను అస్థిరపరచే కుట్రలో బిజెపి

ఈడి విచారణకు హజరయ్యే ముందు హేమంత్

 రాంచీ : తాను ఒక రాష్ట్రానికి ముఖ్యమంత్రినని, దేశాన్ని విడిచి పారి పోవడానికి వ్యాపారవేత్తను కానంటూ ఇడి సమన్లపై జార్ఖండ్ ముఖ్యమంత్రి హేమంత్ సోరెన్ మండిపడ్డారు. గురువారం ఇడి విచారణకు హాజరు కావడానికి ముందు రాంచీలోని తన నివాసంలో మద్దతుదారులనుద్దేశించి ప్రసంగించారు. ముఖ్యమంత్రిగా రాజ్యాంగబద్ధమైన పదవిని కలిగి ఉన్నానని, అయితే విచారణ జరుగుతున్న తీరు, ఇడి సమన్లు పంపుతున్న తీరు చూస్తుంటే తాను దేశం విడిచిపారిపోయే వ్యక్తిలా వారు భావిస్తున్నారని ఆగ్రహం వ్యక్తం చేశారు. బడా వ్యాపారవేత్తలు తప్ప నేతలెవరూ దేశం విడిచి వెళ్లిన సందర్భాలు లేవని, ఏ రాజకీయ నేత అలా పారిపోలేదని స్పష్టం చేశారు.