பிரசாந்த் கிஷோரிடம் எடப்பாடடி டீல்!

'ஹலோ தலைவரே, தமிழகத்தில் இப்போது எல்லாப் பக்கமும் அதிரடி மாற்றங்கள் அரங்கேறியிருக்கிறது."

"ஆமாம்பா, கடந்தமுறை நாம் பேசிக்கொண்ட மாதிரியே பெரிய அளவில் ஐ.ஏ.எஸ். அதிகாரிகளின் மாற்றமும் நடந்திருக்கிறதே?" "ஆமாங்க தலைவரே, ஒன்பது மாவட்ட கலெக்டர்கள் உட்பட 31 ஐ.ஏ.எஸ். அதிகாரிகளை இடமாற்றம் செய்திருக்கிறது தமிழக அரசு. கடந்த வாரம் பேசும்போது, ஐ.ஏ.எஸ். அதிகாரிகள் மாற்றப்பட இருக்கிறார்கள் என்றும் இதற்கான பட்டியல் ரெடியாகி வருகிறது என்றும் தகவலைப் பகிர்ந்திருந்தோம். அதன்படியே பெரிய அளவில் மாற்றம் நடந்திருக்கிறது. நிர்வாகக் காரணங்களுக்காக இந்த மாற்றம் நிகழ்ந்தாலும், அதன் பின்னணியில் பல விசயங்கள் புதைந்து கிடக்கின்றன என்கிறது கோட்டைத் தரப்பு.

குறிப்பாக, முக்கிய அமைச்சர் ஒருவருக்கு மட்டும் அவர் துறை சார்ந்த மாற்றங்கள் அவர் விரும்புகிறபடி நடந்திருக்கிதாம். சில அமைச்சர்களின் விருப்பங்கள் இதில் நிறைவேறவில்லை என்றும் கூறுகிறார்கள். அதேபோல், 3 ஆண்டுகளுக்கும் மேலாக ஒரே துறையில் கோலோச்சும் அதிகாரிகளை ஒத்தர்ப்பாக வேண்டும் என்பது விதி. ஆனால் இதில் தமிழக அரசு கவனம் செலுத்தியதாகத் தெரியவில்லை." "சரிப்பா, புதிய மாவட்ட ஆட்சியர்களுக்கு முதல்வர் ஸ்டாலின் தந்திருக்கிறாரே?" அறிவுறுத்தல்களை "புதிய கலெக்டர்களாக நியமிக்கப்பட்ட தர்மபுரி சதீஷ், கிருஷ்ணகிரி தினேஷ்குமார், திருவண்ணாமலை தர்பகராஜ், திருப்பத்தூர் மோகனச் சந்திரன், விழுப்புரம் ஷேக் அப்துல்லா ரஹ்மான், திருவள்ளூர் பிரதாப், திருவாரூர் சிவசவுந்திரவள்ளி, திண்டுக்கல் சரவணன், நெல்லை சுகுமார் ஆகிய 9 பேரும் முதல்வரை சந்தித்து வாழ்த்துப்பெற்றனர்.