பெண் டி.எஸ்.பி. மீது தாக்குதல்!

அருப்புக்கோட்டை பரபரப்பு பின்னணி!

- அண்ணல்

ராமநாதபுரம் மாவட்டம் பெருமாள் தேவன்பட்டியைச் சேர்ந்த காளிகுமார் எனும் சரக்கு வாகன ஓட்டுநர், செப்டம்பர் 2-ஆம் தேதி சரக்கு வாகனத்தில் சீர்காழி நோக்கிச் சென்றுள்ளார். அப்போது திருச்சுழி அருகே இரண்டு இருசக்கர வாகனத்தில் வந்த மர்ம கும்பல், காளிகுமார் வாகனத்தை வழிமறித்து அவரை அரிவாள் போன்ற கூரிய ஆயுதங்களால் சரமாரியாகத் தாக்கிவிட்டு தப்பிச்சென்றது.

இதில் படுகாயமடைந்த காளிகுமாரை அக்கம்பக்கத்தினர் மீட்டு அருப்புக்கோட்டை அரசு மருத்துவமனையில் சேர்த்தனர். படுகாயமடைந்த காளிகுமார் சிகிச்சை பலனின்றி உயிரிழந்தார். தகவலறிந்து அருப்புக்கோட்டை அரசு மருத்துவமனையில் காளிகுமார் உறவினர்கள் குவிந்தனர். குற்றவாளிகளை உடனடியாக கைது செய்யவேண்டும் என வலியுறுத்தினர்.

அத்துடன் அருப்புக்கோட்டை-திருச்சுழி சாலையில் உறவினர்கள் சாலைமறியல் போராட்டத்தில் ஈடுபட்டனர். இதையறிந்த அருப்புக்கோட்டை துணை காவல் கண்காணிப்பாளர் காயத்ரி மற்றும் காவல் உயரதிகாரிகள் அரசு மருத்துவமனை வளாகத்திற்கு வந்து போராட்டக்காரர்களுடன் சமாதானம் பேச முயற்சித்தனர்.