കാരിട്ടുൺ-23

കൊച്ചിയിൽ നടന്ന ദേശീയ കാർട്ടൂൺ മേള

- എം.എസ്. മോഹനചന്ദ്രൻ

അരിക്കൊമ്പനും ചക്കക്കൊമ്പനും ഹീറോകളായി വിലസുന്ന ഇക്കാലത്തെ ചിരിക്കൊമ്പന്മാരാണ് കാർട്ടൂണിസ്റ്റുകളെന്ന് പ്രതിപക്ഷ നേതാവ് വി.ഡി. സതീശൻ. മേയ് 5 മുതൽ 8 വരെ കേരള കാർട്ടൂൺ അക്കാദമി കൊച്ചിയിൽ സംഘടിപ്പിച്ച ദേശീയ കാർട്ടൂൺ മേളയായ 'കാരിട്ടൂൺ 23 ന്റെ വേദിയിൽ സംസാരിക്കവേയായിരുന്നു അദ്ദേഹത്തിന്റെ ഈ വിശേഷണം. ഭരണകൂടത്തേയും പ്രതി പക്ഷത്തേയും ഒരുപോലെ വിമർശിക്കുന്ന കാർട്ടൂണിസ്റ്റുകൾ ജനാധിപത്യത്തിലെ ചിരിക്കൊമ്പന്മാർ തന്നെയാണെന്ന് ചിരി നിറഞ്ഞ സദസ്സിൽ അദ്ദേഹം ഊന്നിപ്പറഞ്ഞു. അക്കാമദിയുടെ വിശിഷ്ടാംഗത്വം ജോൺ കാക്കനാടിന് അദ്ദേഹം സമർപ്പിച്ചു. സജീവ് ശൂരനാടിന്റെ 'ശൂരവര' എന്ന കാർട്ടൂൺ സമാഹാരത്തിന്റെ പ്രകാശനവും അദ്ദേഹം നിർവ്വഹിച്ചു.