એક લડકા ઔર એક લડકી દોસ્ત નહી હો સકતે..? અનુરાધા અમિત આગ્રે - ભરત જરીવાલા

અનુભા સ્ટાર્ટ-અપ ઈન્ડિયા સર્ટિફાઈડ છે. મુખ્ય મંત્રી ભૂપેન્દ્ર પટેલના હસ્તે એમને એવૉર્ડ પણ મળ્યો છે. એ સિવાય પણ ઘણાં સમ્માન મળ્યાં છે

સલમાન ખાન-ભાગ્યશ્રીની ફિલ્મ મૈને પ્યાર કિયાનો એક સંવાદ છેઃ એક લડકા ઔર એક લડકી કભી દોસ્ત નહી હો સકતે..

પણ ખરેખર આવું ન હોય. અજય દેવગન અને તબ્બુ પણ આવી જ એક દોસ્તીની મિસાલ છે. જો કે આ પ્રકારની દોસ્તી બહુ લાઈમલાઈટમાં નથી આવતી. આજે આવી જ એક સુરતની જોડીને મળીએ, જેમણે દોસ્તીનું આગવું ઉદાહરણ પૂરું પાડ્યું છે. આ દોસ્તજોડી અનુભા નામથી જાણીતી છે. આ નામ એમની બ્રાન્ડનું પણ છેઃ અનુરાધા (anuradha)નું અનુ (anu) અને ભરત (bharat)નું ભા (bha). અનુ વત્તા ભા એટલે અનુભા.