લાચાર માવતરની અગ્નિપરીક્ષાનું આબેહૂબ ચિત્રણ

અભય દેઓલ-રાજશ્રી દેશપાંડે 'ટ્રાયલ બાય ફાયર’માં

હત્તેરિકી.. નવા વર્ષની બોણી બહુ ખરાબ થઈઃ લકડબગ્યા અને કુત્તે બન્ને ધાર્યા મુજબ પટકાઈ ગઈ. આમ જ્યાં સિનેમાઘરોમાં સન્નાટો છે ત્યાં ઓટીટી પર જશન જારી છે. આ જ વાત આજે રઘુ કરવા માગે છે, જે માટે જવું પડશે પચ્ચીસ વર્ષ પહેલાંની દિલ્હીમાં.

૧૯૯૭ની ૧૩ જૂનના રોજ દિલ્હીના ગ્રીન પાર્ક વિસ્તારના ઉપહાર થિયેટરમાં જેપી દત્તાની બોર્ડર ફિલ્મ જોવા ગયેલા સેંકડો સિનેમાપ્રેમીને આજેય એ ગોઝારો દિવસ યાદ હશે. એ બપોરે ત્રણેક વાગ્યે થિયેટરમાં લાગેલી આગમાં ૫૯ સિનેમાપ્રેમીના જીવનદીપ બુઝાયા, સોથી વધુ ઈજાગ્રસ્ત થયા. આ માનવસર્જિત દુર્ઘટના માટે જવાબદારને શિક્ષા અપાવવા વીસ વર્ષ કરતાં લાંબી કાનૂની લડત ચાલી.