ગાર્ડનિંગમાં રોપા અને બીજની પસંદગીનું મહત્ત્વ

આ ઉપરાંત અમુક છોડમાં અને વૃક્ષોના યોગ્ય વિકાર માટે ખાતર ઉપરાંત અન્ય કેટલીક સામગ્રીઓ સમયાંતરે કૂંડામાં નાખવી પડતી હોય છે

- હેતલ ભટ્ટ

મોટા ભાગના લોકોમાં ગાર્ડનિંગનો શોખ જોવા મળે છે. એક સમય હતો જ્યારે ગાર્ડનિંગના વ્યવસાયને બહુ મહત્ત્વ નહોતું આપવામાં આવતું, પણ પછી એવો તબક્કો આવ્યો જ્યારે ગાર્ડનિંગનો વ્યવસાય મોટાપાયે ફૂલ્યોફાલ્યો અને કોરોનાની મહામારી બાદ તો હવે ગાર્ડનિંગ એ વ્યવસાય મટીને શોખ બની ગયો છે. શોખ ઉપરાંત જરૂરિયાત બની ગયો છે એમ કહેવું કદાચ વધારે યોગ્ય રહેશે. ગાર્ડનિંગના ફાયદા તો હવે આપણે સૌ જાણીએ જ છીએ અને જે લોકો ગાર્ડનિંગ કરે છે તેઓ તેના લાભ માણી પણ રહ્યા છે. ભાગ્યે જ એવા લોકો હશે જેમને ગાર્ડનિંગ કરવું નહીં ગમતું હોય. જેવી રીતે સમાજમાં યોગને લઈને જાગૃતિ આવી છે એવી જ રીતે ગાર્ડનિંગને લઈને પણ લોકોમાં જાગૃતિ જોવા મળી છે. હવે ફૂલછોડની સાથે શાકભાજી અને આયુર્વેદિક ઔષધિઓ પણ ઘરના આંગણામાં, છત પર, ગેલરીમાં વગેરે જગ્યાએ ઉગાડતા હોય છે.