અમેરિકા-ઇંગ્લેન્ડ સહિત વિશ્વમાં લીંગ ક્રિકેટની બોલબાલા

જગતમાં હવે ક્રિકેટનો પરચમ લહેરાવવાની જવાબદારી ભારતે લીધી છે. આરબ દેશો અને આરબોને ભારતપાકિસ્તાને મળીને ક્રિકેટનું ઘેલું લગાડ્યું છે. આઈપીએલની એક સિઝન તો ગલ્ફના દેશોમાં રમાઈ હતી, પણ જો અમેરિકા જેવો દેશ મેજર લીગ ક્રિકેટ રમે અને જગતના ક્રિકેટના નકશામાં અથવા ક્રિકેટની મુખ્યધારામાં જોડાઈ જાય તો? રમત-ગમતને ચાર નહીં, પણ હજારો ચાંદ લાગી જાય. અમેરિકાના ખેલાડીઓ, પ્રેક્ષકો ઇન્ફ્રાસ્ટ્રક્ચર તેમ જ વિજ્ઞાપન જગતનો એક સમૃદ્ધ ફાલ ક્રિકેટ જગતને મળે. ભારતને તેનો અનેક પ્રકારે ફાયદો મળે.

- વિનોદ પંડ્યા

ભારતમાં ગયા મહિને જ વિમેન્સ પ્રિમિયર લીગ (ડબલ્યુપીએલ)ની સૌ પ્રથમ સિઝન અથવા સ્પર્ધાઓ પૂરી થઈ. તે સ્પર્ધાએ જગતમાં ભારતનું નામ રોશન કર્યું. જગતભરના મીડિયાએ તેની નોંધ લીધી. એ સર્વવિદિત છે કે ક્રિકેટની રમત મૂળ અંગ્રેજોની રમત. અંગ્રેજો દુનિયાના અનેક દેશોમાં પહોંચ્યા અને ત્યાં ત્યાં રાજ કર્યું. સાથે ક્રિકેટ લઈ ગયા. યુનાઇટેડ સ્ટેટ્સ ઑફ અમેરિકા મુખ્યત્વે બ્રિટિશરોએ વસાવેલો દેશ છે. બ્રિટિશ વાવટો ભલે સંકેલાઈ ગયો, પણ બ્રિટિશ પ્રજા જગતમાં ફેલાયેલી જ રહી છે. તેમાં ઓસ્ટ્રેલિયા, દક્ષિણ આફ્રિકા અને ખુદ યુકેની ધરતી એવી છે જ્યાં ગોરા લોકોએ ક્રિકેટ જાળવી રાખી. બાકીના ભારત (હવે પાકિસ્તાન અને બાંગ્લાદેશ પણ) આફ્રિકાના દેશોમાં યજમાન અશ્વેત પ્રજાએ ક્રિકેટને નવું રૂપ આપ્યું છે. અમેરિકા, કેને ગોરી બ્રિટિશ પ્રજાએ વસાવેલાં વિશાળ ક્ષેત્રફળો ધરાવતાં દેશો હોવા છતાં ક્રિકેટનો ત્યાં ખાસ વિકાસ થયો નથી. ઓગણીસમી સદીમાં જેમ અન્યત્ર હતી તેમ અમેરિકા અને કેનેડામાં પણ ક્રિકેટ સૌથી લોકપ્રિય રમત હતી, પરંતુ કાળક્રમે અમુક કારણોસર આ બંને દેશોમાંથી ક્રિકેટનામશેષ થઈ ગઈ. તેઓ ક્યારેક ક્યાંક હાજરી પુરાવવા રમે છે, પણ તેને એટલી ગંભીરતાથી લેતા નથી જેટલી સોકર, રગ્બી, બાસ્કેટ બૉલ, બેઝ બૉલ, ગોલ્ફને લે છે. આ રમતોનાં ત્યાં મચ્છમોટાં એસોસિયેશનો રચાયાં છે. તેઓની તેમ જ તેમાં રમતાં ખેલાડીઓની આવક કોઈ પણને અચંબામાં મુકે. દુનિયાના આ સૌથી સમૃ દ્ધ દેશમાં સોકર વગેરે ૨મતોનું ઇન્ફ્રાસ્ટ્રક્ચર, સ્ટેડિયમ વગેરે વિપુલ માત્રામાં છે, પણ ક્રિકેટ નથી.