എന്നെ കണ്ടാൽ മന്ത്രിയാണെന്ന് ആരെങ്കിലും പറയുമോ?'

'ഉള്ളു ചുവന്ന കോൺഗ്രസുകാരനാണ് രാമചന്ദ്രൻ കടന്നപ്പള്ളി. കമ്യൂണിസ്റ്റ് കോട്ടയായ കണ്ണൂരിന്റെ നടുത്തളത്തിൽ അവരുടെ സർവാദരവും നേടി ഇരിപ്പുറപ്പിച്ച രാഷ്ട്രീയത്തിലെ അത്ഭുതപ്രതിഭാസമായ കടന്നപള്ളി ഇനി മന്ത്രിയാണ്... പിന്നിട്ട വഴികൾ ഓർത്തെടുക്കുകയാണ് അദ്ദേഹം...

- ടി.വി. സ്വാലിഹ്

ഇവനെന്താടോ ഈ പറയുന്നേ! എന്നെ കണ്ടാൽ മന്ത്രിയാണ ന്ന് ആരെങ്കിലും പറയു മോ? മന്ത്രിന്റെ ലുക്കും പത്രാസും ഒക്കെ ഉണ്ടാ എനി ക്ക്? അതിന്റെ ഒരു ഫിസിക്കൽ ഗെറ്റപ്പില് ഞാനിത് വരെ നടന്നിട്ട്ണ്ടോ? എന്നെ കാണുമ്പോ ഇതേതാ ഒരു അലവലാതി എന്നല്ലേ ആർക്കും തോന്നൂ... ആർക്കും എപ്പവും എന്റെയടു ത്ത് വന്നൂടേ... ഞാൻ പ്രധാന മന്ത്രിയായാലും ഇങ്ങനെത്ത ന്നെയായിരിക്കും പറഞ്ഞു നിർത്തിയതും പാറിപ്പറക്കുന്ന തൂവെള്ള മുടി കൈകൊണ്ട് ഒതുക്കി കടന്നപ്പള്ളി സ്വതഃസിദ്ധമായ പൊട്ടിച്ചിരിയുതിർത്തതും ഒരുമിച്ചായിരുന്നു.

ഇത് രാമചന്ദ്രൻ കടന്നപ്പള്ളി. ഇപ്പോഴും ഗാന്ധിയൻ രാഷ്ട്രീയത്തിൽ വിശ്വസിക്കുന്ന സ്ഥാന മാനങ്ങൾ ആഗ്രഹിക്കാത്ത രാഷ്ട്രീയക്കാരൻ. പക്ഷേ, സ്ഥാനമാനങ്ങൾ ഇദ്ദേഹത്തെ തേടി ഇങ്ങോട്ടു വരുമെന്നത് പച്ചയായ സത്യം. അതുകൊണ്ടാണല്ലോ തോൽക്കുമെന്ന് ഉറപ്പി ച്ച കാസർകോട്ടെ ആദ്യ മത്സരത്തിൽ എം.പി സ്ഥാനവും ജയി ക്കില്ലെന്ന് സ്വന്തം പാർട്ടിക്കാർ വരെ കട്ടായം പറഞ്ഞ കണ്ണുരിലെ അവസാന മത്സരത്തിൽ  എം.എൽ.എ സ്ഥാനവും ഈ മനുഷ്യനെ വാരിപ്പുണർന്നത്. ബോണസായി മന്ത്രിസ്ഥാനവും ലഭിച്ചതോടെ രാഷ്ട്രീയത്തിലെ അത്ഭുതപ്രതിഭാസം തന്നെയായി മാറുകയാണ് കടന്നപ്പള്ളി.

1971ൽ കമ്യൂണിസ്റ്റുകാരുടെ മോസ്കോ ആയ കാസർകോട് പാർലമെന്റ് മണ്ഡലം പിടിക്കാൻ കോൺഗ്രസ് ഇറക്കി തുറുപ്പുശീട്ടായിരുന്നു അന്നത്തെ കെ.എസ്.യു സംസ്ഥാന പ്രസിഡന്റായ 26കാരൻ. ഇ.കെ. നായനാരെ അവിടെ തറ  പറ്റിച്ചു. '77ൽ രാമണ്ണയെയും തോൽപിച്ചു വില്ലാളിവീരനായി കടന്നപ്പള്ളി.

കാലത്തിന്റെ ഒഴുക്കിന് രാമചന്ദ്രന്റെ തറവാട്ടു വീട്ടിനടുത്തു ള്ള വണ്ണാത്തിപ്പുഴ സാക്ഷിയായി. ഇപ്പോൾ ‘ഉള്ള ചുവന്ന കോൺഗ്രസുകാരനാണ് കടന്നപ്പള്ളി. കമ്യൂണിസ്റ്റ് കോട്ടയാ യ കണ്ണൂരിന്റെ നടുത്തളത്തിൽ അവരുടെ സർവാദരവും നേടി ഇരിപ്പുറപ്പിച്ച കോൺഗ്രസ്-എസ് നേതാവ്. പണ്ട് തെരഞ്ഞെടുപ്പിൽ സി.പി.എമ്മിനെ എങ്ങനെയാണോ വിറപ്പിച്ച ത്, അതുപോലെ ഒരിക്കലും തോൽക്കില്ലെന്ന് കോൺഗ്രസ് വിശ്വസിക്കുന്ന അവരുടെ ശക്തികേന്ദ്രങ്ങൾ പിടിച്ചെടുക്കാൻ ഇപ്പോൾ ഇടതുപക്ഷം പ്രയോഗിക്കുന്ന വജ്രായുധമാണ് ഈ 79കാരൻ.