சில்லுன்னு ஜஸ் தெரப்பி!

வலியும் வீக்கமும் இருக்கும் இடத்தில் வெந்நீர் ஒத்தடம் கொடுப்பது நம் பாரம்பரிய சிகிச்சைதான்.

- சரஸ்

இதன் இன்னொரு வெர்ஷன்தான் ஐஸ்கட்டி ஒத்தடம். ஐஸ் என்பது உள்ளுறை வெப்பம் என்பதால் கிட்டதட்ட இரண்டின் பலன்கள் சமமாகவே இருக்கும். இன்று, ஐஸ்கட்டி ஒத்தடம் தருவதற்கென்றே பிரத்யேக பேக்ஸ் சந்தையில் கிடைக்கிறது. இதனைப் பயன்படுத்தி ஒத்தடம் கொடுப்பது வசதியானது. ஐஸ் பேக் ஒத்தடம் வலி, வீக்கம் ஆகியவற்றுக்கு மட்டுமின்றி மேலும் பலவகையான பிரச்னைகளுக்கும் நல்ல தீர்வாக இருக்கிறது.

ஐஸ் பேக்கில், ஐஸ் கட்டிகளைப் போட்டு உடலின் எந்த இடத்தில் பிரச்னை இருக்கிறதோ, அங்கு ஒத்தடம் கொடுத்தால் போதும். “ஐஸால் கை, கால்கள் மரத்துப்போகும். ரத்தநாளங்கள் இறுகும்” என்ற பயம் சிலருக்கு இருக்கும். ஆனால், இரண்டு நிமிடங்கள் வரைதான் அசௌகர்யமாக இருக்கும். பிறகு, ரத்த நாளங்கள் நன்கு தூண்டப்பட்டு, ரத்த ஓட்டம் சீராகும். அனைவருக்கும் நல்ல பலன் அளிக்கக்கூடிய சிகிச்சை இது. குழந்தைகள் முதல் முதியவர்கள் வரை அனைவரும் செய்யலாம்.

குழந்தைகள் பலருக்கும் சிறு வயதிலேயே உடல் பருமன் ஏற்படுகிறது. அவர்களுக்கு ஐஸ் தெரப்பி பலன் தரும். குழந்தைகளுக்கு வயிற்றில் ஈரத் துணியைப் போட்டுச்செய்யும் சிகிச்சையும் உண்டு. இதுவும் நல்ல பலன் தரும்.