വീരയോദ്ധാവായി മോഹൻലാൽ

ആകാംക്ഷ നിറച്ച് സേതു ശിവാനന്ദൻ തയ്യാറാക്കിയ ക്യാരക്റ്റർ സ്കെച്ച്

 അടുത്ത കാലത്ത് ശ്രദ്ധയാകർഷിച്ച നിരവധി കഥാപാത്രങ്ങളുടെ ലുക്കിന് പിന്നിൽ സേതു ശിവാനന്ദനും ഒരു നിർണായക പങ്കുണ്ട്. ഇപ്പോഴിതാ സേതു ശിവാനന്ദൻ തയ്യാറാക്കിയ പുതിയൊരു ക്യാരക്റ്റർ സ്കെച്ചാണ് ശ്രദ്ധയാകർഷിക്കുന്നത്. വൃഷഭ' എന്ന ചിത്രത്തിലെ മോഹൻലാലിന്റെ ക്യാരക്ടർ ലുക്ക് പ്രേക്ഷകർ ഏറ്റെടുത്ത് കഴിഞ്ഞു. ക്യാരക്ടർ കൺസെപ്റ്റ് ആർട്ടിസ്റ്റായ സേതു മലയാളം സിനിമകൾക്കായി തയ്യാറാക്കിയ നടീ നടൻമാരുടെ ലുക്കുകൾ പ്രേക്ഷകർ മുമ്പും ഏറ്റെടുത്ത് ഹിറ്റാക്കിയിട്ടുണ്ട്.

ആരാധകർ ഏറെ കാത്തിരിക്കുന്ന പാൻ ഇന്ത്യൻ ചിത്രമാണ് വൃഷഭ. ചിത്രത്തിലെ തന്റെ ലുക്ക് മോഹൻലാൽ നേരത്തെ പങ്കുവെച്ചിരുന്നു. കയ്യിൽ വാളേന്തിയ യോദ്ധാവായാണ് മോഹൻലാൽ ചിത്രത്തിലുള്ളത്.

ഈ പാൻ ഇന്ത്യൻ ചിത്രത്തിന്റെ സംവിധാനം നന്ദകിഷോറാണ്. വൈകാരികത കൊണ്ടും വിഎഫ്എക്സ് കൊണ്ടും മികച്ച ദൃശ്യാനുഭവം നൽകുന്ന ചിത്രമായിരിക്കും വൃഷഭ എന്നാണ് അണിയറ പ്രവർത്തകർ നൽകുന്ന വിവരം. 200 കോടി ബജറ്റിൽ ഒരുങ്ങുന്ന ചിത്രം മലയാളത്തിലും തെലുങ്കിലുമാണ് നിർമ്മിക്കുന്നത്. തമിഴ്, കന്നഡ, ഹിന്ദി ഭാഷക ളിലും ചിത്രം മൊഴിമാറ്റം ചെയ്യപ്പെടും. വരും വർഷമാകും ചിത്രത്തിന്റെ റിലീസെന്നാണ് വിവരം.