ജീവിത വഴിത്തിരിവിൽ സകലതും യാദൃച്ഛികമായി

തന്റെ ജീവിതത്തിൽ വഴിത്തിരിവായിട്ടുള്ള പലകാര്യങ്ങളും യാദൃച്ഛികമായി സംഭവിച്ചിട്ടുള്ളതാണെന്നാണ് ശ്രീവിദ്യ പറയുന്നത്. സിനിമ പ്രവേശനം മുതൽ വിവാഹം വരെ ഒന്നും ശ്രീവിദ്യ പ്ലാൻചെയ്ത കാര്യങ്ങൾ ആയിരുന്നില്ല. ജനുവരിയിൽ ശ്രീവിദ്യയും സംവിധായകൻ രാഹുൽ രാമചന്ദ്രനും തമ്മിലുള്ള വിവാഹ നിശ്ചയം നടക്കുകയുണ്ടായി. വലിയ ആഘോഷമായാണ് ആരാധകർ താരത്തിന്റെ വിവാഹ നിശ്ചയം ഏറ്റെടുത്തത്. സമൂഹ മാധ്യമങ്ങളിൽ ട്രെൻഡിങ് ആയിരുന്നു. തന്റെ ഭാവി വരനെപ്പറ്റിയും വിവാഹത്തിന്റെ തയ്യാറെടുപ്പുകളെപ്പറ്റിയും വെളളിനക്ഷത്രത്തോട് മനസ്സ് തുറക്കുകയാണ് ശ്രീവിദ്യ.

സിനിമാ ഓഡീഷന് സഹായിക്കാനുള്ള സംഘത്തോടൊപ്പം പോയ കാസർകോട്ടുകാരി ഇന്ന് മലയാള സിനിമയിൽ തിരക്കുള്ള നടിയാണ്. ക്യാംപസ് ഡയറി എന്ന ചിത്രത്തിലൂടെ മലയാള സിനിമയിൽ എത്തി പിന്നീട് ഫ്ലവേഴ്സ് ടിവിയിലെ സ്റ്റാർ മാജിക്കിലൂടെ പ്രേക്ഷകരുടെ പ്രിയങ്കരിയായി മാറിയ ശ്രീവിദ്യ മുല്ലശ്ശേരി. തന്റെ ജീവിതത്തിൽ വഴിത്തിരിവായിട്ടുള്ള പലകാര്യങ്ങളും യാദൃച്ഛികമായി സംഭവിച്ചിട്ടുള്ളതാണെന്നാണ് ശ്രീവിദ്യ പറയുന്നത്. സിനിമ പ്രവേശനം മുതൽ വിവാഹം വരെ ഒന്നും ശ്രീവിദ്യ പ്ലാൻ ചെയ്ത കാര്യങ്ങൾ ആയിരുന്നില്ല. ജനുവരിയിൽ ശ്രീവിദ്യയും സംവിധായകൻ രാഹുൽ രാമചന്ദ്രനും തമ്മിലുള്ള വിവാഹ നിശ്ചയം നടക്കുകയുണ്ടായി. വലിയ ആഘോഷമായാണ് ആരാധകർ താരത്തിന്റെ വിവാഹ നിശ്ചയം ഏറ്റെടുത്തത്. സമൂഹ മാധ്യമങ്ങളിൽ ട്രെൻഡിങ് ആയിരുന്നു. തന്റെ ഭാവി വരനെപ്പറ്റിയും വിവാഹത്തിന്റെ തയ്യാറെടുപ്പുകളെപ്പറ്റിയും വെള്ളിനക്ഷത്രത്തോട് മനസ്സ് തുറക്കുകയാണ് ശ്രീവിദ്യ.

ആറുവർഷത്തെ പ്രണയം ഇപ്പോൾ വിവാഹത്തിൽ എത്തി നിൽക്കുന്നു രാഹുൽ പ്രൊപ്പോസ് ചെയ്തത് എങ്ങിനെയാണെന്ന് പറയാമോ ?

ആറു വർഷങ്ങൾക്ക് മുൻപ് കൊച്ചി മാരിയറ്റ് ഹോട്ടലിൽ വെച്ചാണ് ഞാൻ നന്ദുവിനെ (രാഹുലിനെ അങ്ങനെയാണ് വിളിക്കുന്നത് ആദ്യമായി കാണുന്നത്. ഞാൻ ഹോട്ടലിന്റെ ലോബിയിൽ എന്റെ ഫ്രണ്ടിനെ കാത്ത് നിൽക്കുവായിരുന്നു. അന്ന് കുറെ പടങ്ങളുടെ പ്രമോഷൻ അവിടെ നടക്കുന്നുണ്ടായിരുന്നു. നന്ദുവിന്റെ പടവും ഇറങ്ങാൻ ഇരിക്കുവായിരുന്നു. പുള്ളിയും കുറേ ഫ്രണ്ട്സും ഹോട്ടലിൽ കയറി വന്നു. നന്ദ എന്നെ ഇടയ്ക്കിടെ നോക്കുന്നുണ്ടായിരുന്നു എനിക്ക് അത് വളരെ ഇറിറ്റേറ്റിങ് ആയി തോന്നി. ഞാൻ അവിടുന്ന് ഇറങ്ങിപ്പോയി. പുള്ളി അന്നുതന്നെ ഫെയ്സ്ബുക്കിലൂടെ എന്നെ പരിചയപെട്ടു. പിന്നീട് ഫ്രണ്ട്സ് ആയി. കുറച്ച് നാൾ കഴിഞ്ഞ് പുള്ളി എന്നെ പ്രൊപ്പോസ് ചെയ്തു. ഫോൺ വഴിയാണ് പ്രൊപ്പോസ് ചെയ്തത്. ആദ്യം ഞാൻ മറുപടി കൊടുത്തില്ല. പിന്നീട് ഒരുപാട് നാളുകൾക്ക് ശേഷം കാഷ്വലായി സംസാരിക്കുന്നതിനിടെ പുള്ളി വീണ്ടും പറഞ്ഞു. ഒരുപാട് ആലോചിച്ചാണ് ഞാൻ മറുപടി കൊടുത്തത്.

രാഹുലിന്റെ സ്വഭാവത്തിൽ ശ്രീവിദ്യക്ക് ഏറ്റവും ഇഷ്ട്ടപെട്ടിട്ടുള്ള കാര്യം എന്താണ്?