રાષ્ટ્રીય ફિલ્મ પુરસ્કાર અભિનેતા અને રાજકારણ

કદાચ હવે આ થવા લાગ્યું છે કે રાષ્ટ્રીય પુરસ્કારોમાં પણ રાજકારણની ચોપાટ બિછાવા લાગી છે. જો તમે અજય દેવગણને, જેણે સૂચના પ્રસારણ મંત્રી અનુરાગ ઠાકુરે ‘સર્વશ્રેષ્ઠ અભિનેતા’નો પુરસ્કાર આપ્યો છે, ના સન્માનને મહારાષ્ટ્રની સત્તા અને રાજકારણ સાથે જોડીને જોશો તો તમારી સામે દૂધનું દૂધ પાણીનું પાણી બધું સ્પષ્ટ થઈ જશે.

- સુરેશચંદ્ર રોહરા

મહારાષ્ટ્રનાં રાજકારણમાં મચેલી ઊથલપાથલ અને ષડયંત્ર હમણાં હમણાં દેશે જોઈ છે કે કેવી રીતે ત્યાં ભાજપાના ઈશારે શિવસેનાના એક મહોરા એકનાથ શિંદેએ શિવસેનાને તોડી છે અને તે મુખ્યમંત્રી બની ગયા છે.

સૌથી મોટો પ્રશ્ન એ છે કે એકનાથ શિંદે, જેમની પાસે ન તો શિવસેના પાર્ટી છે અને ન શિવસેના આલાકમાનના આશીર્વાદ અથવા તમામ સાંસદોનું સમર્થન, તેમ છતાં ભાજપાના અનૈતિક રાજકારણ અને સત્તાના જોરના પગલે એકનાથ શિંદે મુખ્યમંત્રી પદ પર બિરાજમાન થયા છે.

અનુરાગ ઠાકુર

હવે આપણે વાત કરીએ મહારાષ્ટ્રના રાજકારણમાં એકનાથ શિંદે અને અજય દેવગણની વચ્ચેનાં તારની, તો આ તમારે સમજવું પડશે કે જે કંઈ મહારાષ્ટ્રમાં ભાજપાના આગળનાં નેતાઓએ રમત રમી છે, તેમાં મરાઠા, હિંદુત્વ અને મહારાષ્ટ્ર અસ્મિતાનું મિશ્રણ છે. અહીં ભવિષ્યના રાજકારણ સાથે મતબેંક જોડાયેલ છે.

અજય દેવગણની ફિલ્મ ‘તાન્હાજી: ધ અનસંગ વોરિયર’ જાન્યુઆરી, ૨૦૨૦માં આવી. આ તેની ૧૦૦મી ફિલ્મ હતી, જે હિંદુ મરાઠા લાગણીને જાગ્રત કરે છે અને ભાજપાને આ જ જોઈએ, જ્યાં હિંદુત્વ છે, ત્યાં ભાજપાનું સીલ તૈયાર છે.