பதிவான உங்கள் மீதான வழக்கை டிஜிட்டலாக அழிக்க முடியாவிட்டால் என்ன ஆகும்..?

நம் போன் நம்பர், வீட்டு முகவரி, பிறந்த தேதி, படித்த படிப்பு பற்றிய விபரங்களை ஒருவர் சல்லீசாக ஆன் லைன் தளங்களில் கண்டுபிடித்துவிடலாம்.

- டி.ரஞ்சித்

டிஜிட்டல் தனிநபர் தகவல் பாதுகாப்புச் சட்டம் AtoZ

உதாரணமாக ஆதார் கார்டு, டிரைவிங் லைசென்ஸ், இன்சூரன்ஸ் பாலிசி இன்னும் அரசு சார்ந்த தகவல்களை கொண்டு ஒரு நபரின் மேற்சொன்ன விபரங்களை இன்னொரு நபர் டிஜிட்டலாக அறிந்துகொள்ளலாம்.

ஆனால், நம் திருமணம் மணமுறிவில் முடிந்ததா, காதலித்த பெண்ணை பாலியல் சீண்டல் பண்ணினோமா, குடிபோதையில் காரை ஓட்டினோமா போன்ற தகவல்கள் கூட டிஜிட்டலாக இருந்தால் எப்படி?

இந்த விஷயத்தில் ஒரு முடிவு எடுப்பதற்காகத்தான் கடந்த ஆண்டு ஒன்றிய அரசு புதிய சட்டமான 'டிஜிட்டல் தனிநபர் தகவல் பாதுகாப்புச் சட்டம்' (The Digital Personal Data Protection Act 2023) என்றதைக் கொண்டு வந்தது.

இதன் ஒரு பகுதியாக ஒரு நபர் தன்னைப் பற்றிய தனிப்பட்ட (Privacy) தகவல்களை டிஜிட்டலாக அழிப்பதற்கான உரிமையை இந்தச் சட்டம் ஒருவருக்கு கொடுத்தது. இந்த விதியின் பெயர் 'மறப்பதற்கான உரிமை' (Right To Be Forgotten). செல்லமாக 'ஆர்.டி.பி.எஃப்.'