பாலையா பவர்ஃபுல்...மகேஷ்பாபு ஃபேமிலி மேன்...பவன் டிவைன்...

‘‘இந்தப் படத்தில் ஸ்ரீலீலா எனக்கு மகளாக நடிச்சிருக்காங்க. ஆனால், படப்பிடிப்பு தளத்தில் முழுவதும் ‘மாமா... மாமா...’ என என்னை அழைத்து வந்தார். அடுத்த படத்தில் இவருடன் ஜோடி சேர்ந்து நடிக்க வேண்டும் என விரும்புகிறேன்.

- ஷாலினி நியூட்டன்

இந்த விருப்பத்தை என் மனைவி மற்றும் மகனிடம் சொல்லும்போது என் மகன் மோஷாக்னா ‘அப்பா, நல்லாவே இருக்காது.

ஸ்ரீலீலாவுடன் நான்தான் ஜோடி போட்டு நடிக்கப் போகிறேன்’ என்றார்....’’ இப்படி சீனியர் மாஸ் தெலுங்கு நடிகர் நந்தமுரி பாலகிருஷ்ணாவே ‘பகவந்த் கேசரி’ பட விழாவில் வெளிப்படையாகப் பேசி ஸ்ரீலீலாவைப் புகழ்ந்தார்.

‘தொரக்க தொரக்க தொரகிந்திதலுக்கு சிலகா இதி..!’

‘பெல்லி சந்தத்’ படத்தின் ‘மதுரா நகரிலோ...’ என்னும் பாடலுக்கு மெல்லிய இடையை சடக் சடக் என வெட்டி ஸ்ரீகாந்த் மேகாவின் மகன் ரோஷனுடன் நடனம் ஆடிய மங்கை ஸ்ரீலீலா. 

 அன்று இணைய டிரெண்ட் ஆனவர் இன்று தெலுங்கு சினிமா உலகின் இதய டிரெண்ட் ஆகியிருக்கிறார். ரவிதேஜா, மகேஷ் பாபு, பவன் கல்யாண்... என இருக்கும் அத்தனை மாஸ் நடிகர்களின் ஃபேவரைட் ஜோடி, தயாரிப்பாளர்களுக்கு லக்கி சார்ம் என பொண்ணு இப்போ தெலுங்கில் டாப்.

தமிழிலும், மற்ற மொழிகளிலும் கூட மிகப் பெரிய பட்ஜெட் படங்கள் எல்லாம் கதவைத் தட்டிக் கொண்டிருக்கின்றன.

யார் இந்த லீலா..?

கர்நாடகா பெங்களூருதான் சொந்த ஊர் எனக்கு. தெலுங்கு குடும்பம். எங்க குடும்பமே செம படிப்ஸ் குடும்பம். அம்மா சுவர்ணலதா கைனகாலஜிஸ்ட், அப்பா இண்டஸ்ட்ரியலிஸ்ட் சுரபாநேனி சுபகர ராவ், நான் இப்ப எம்பிபிஎஸ் முடிச்சாச்சு. விரைவில் டாக்டர் ஸ்ரீலீலான்னு பெயர் வரும்.  

ஆனாலும் நான் நடிப்பு, சினிமா அப்படின்னு சொல்லும் போது வீட்டில் ரொம்ப பெரிய சப்போர்ட் கிடைச்சது. ஆரம்பத்தில் சிவப்புக் கொடி வந்தது. காரணம், படிச்சிட்டு இருந்தேன். ஆனால், அவங்க கனவான படிப்பை சரியா முடிச்சிட்டேன். அதனால் இப்ப அவங்க ஹேப்பி.

முதல் பட வாய்ப்பு எப்படி அமைந்தது?