ஒரே வீடு...இரு வேறு மாநிலங்களுக்கு சொந்தம்!

மகாராஷ்டிரா - கர்நாடகா எல்லைப் பிரச்னை சற்று தீவிரமடைந்து, இரு மாநிலத் தலைவர்களும் உள்துறை அமைச்சரைச் சந்தித்து இதற்குத் தீர்வு காண முனைப்புடன் இருக்கும் நேரத்தில் –சத்தமில்லாமல் மகாராஷ்டிரா - தெலங்கானா இடையே எல்லைப் பிரச்னை வந்துவிடும் போல இருக்கிறது!

காரணம், ஒரு வீடு. ஒரேயொரு வீடு. 

மகாராஷ்டிரா மாநிலம் சந்திரபூர் மகராஜ்கூடா கிராமத்தில்தான் இந்த வீடு அமைந்திருக்கிறது. இது மகாராஷ்டிரா - தெலங்கானா ஆகிய இரண்டு மாநிலங்களின் எல்லையில் அமைந்திருப்பது தான் ஹைலைட்.