అపరిచితుడు

టియా బుల్బుల్ (పికిలి పిట్ట) తన గూడు నుంచి  బయటికి తొంగి చూసినప్పుడు ఆమెకు తన స్నేహితురాలు సావీ పావురం కనిపించలేదు.

- సందీప్ పాండే

టియా బుల్బుల్ (పికిలి పిట్ట) తన గూడు నుంచి  బయటికి తొంగి చూసినప్పుడు ఆమెకు తన స్నేహితురాలు సావీ పావురం కనిపించలేదు.

“ఓహ్, ఫ్రెండ్స్ లేకుండా బయటకు వెళితే సరదా ఏముంది?” అంది టియా. తర్వాత కళ్లు మూసుకుంది.

ఒక్క క్షణం తర్వాత సావీ కిలకలా రావాలు టియాను సంతోషంలో ముంచెత్తాయి. టియా తన రెక్కలు విప్పి గూడు నుంచి బయటికి వచ్చింది.

“హల్లో, టియా, ఇదిగో నేను నీ కోసం కొన్ని రుచికరమైన విత్తనాలు తీసుకువచ్చాను!”

“వావ్, విత్తనాలు! అవి నాకిష్టం" అంటూ టియా తన స్నేహితురాలికి కృతజ్ఞతలు తెలిపింది.

"సావీ, నిన్న నీకు మంచి కొబ్బరి ముక్కలు దొరికాయి కదా వాటిని నువ్వు ఎక్కడి నుంచి తెచ్చావు?” అని అడిగింది టియా, రుచిని ఆస్వాదిస్తూ.

“అది ఇక్కడి నుంచి కొద్ది దూరంలోనే ఉంది.

ఇంతకీ నువ్వు ఏం చెబుతున్నావు?” “మనిద్దరికీ రెక్కలు ఉన్నాయి. అక్కడికి మనం ఎగిరిపోదాం.” "హ! హా! అలాగే సరే వెళదాం" అని చెప్పి సావీ ఎగిరిపోయింది.

“అవును, అవును" అంటూ టియా కూడా ఎగిరింది.

పది నిమిషాలలో వాళ్లు పూర్తిగా పచ్చదనంతో నిండి ఉన్న ఒక ప్రదేశానికి చేరుకున్నారు. అది శర్మ అంకుల్ గార్డెన్. చిన్నా, పెద్ద రకరకాల పక్షులతో కూడుకున్న ఇల్లు అది.”

బడ్కి బుల్బుల్, మెహకి మైనా, కల్కి కోయల్, నిలిసన్బర్డ్ (సూర్య పక్షి), ఇంకెన్నో పిచ్చుకలు మరికొన్ని దర్జీ పిట్టలతో కలిసి ఆగకుండా కిలకిలారావాలు చేస్తున్నాయి.

“ఓహ్, ఇది అద్భుతమైన ప్రదేశం సావీ" అని టియా కిచకిచమని శబ్దం చేయడం మొదలు పెట్టింది.

“అవును. చూడు. శర్మ అంకుల్ కొబ్బరి ముక్కలను మనకు వడ్డించి పెట్టాడు. మనం వాటిని ఆస్వాదిద్దాం” అంది సావీ.

“అవును. అవును. మనం ఆస్వాదిద్దాం" అంటూ టియా ఒప్పుకుంది.

“కానీ అతడు ఎందుకు మనకు కొబ్బరి ముక్కలన్నీ పెడతాడు?” “నాకు తెలియదు. నిన్ననే నేను ఇక్కడికి వచ్చాను.

ఎవరినైనా అడుగుదాం" అంది సావీ. సరేనంది టియా.