GREEN & SMART

ഇലക്ട്രിക് കരുത്തുമായി ടാറ്റയുടെ ജനപ്രിയ മിനി ട്രക്ക്

- noble

ഇന്ത്യൻ ഇലക്ട്രിക് വാഹനവിപണിയിൽ മറ്റാർക്കും അത്ര പെട്ടെന്ന് ഒപ്പം ഓടിയെത്താനാവാത്ത കുതിപ്പാണ് ടാറ്റ നടത്തിക്കൊണ്ടിരിക്കുന്നത്. വിപണിയുടെ 72 ശതമാനവും കയ്യാളുന്നതു ടാറ്റയാണ്. പഞ്ച് ഇവി അടക്കമുള്ള പുതിയ മോഡലുകൾ കൂടി എത്തുന്നതോടെ സർവാധിപത്യത്തിലേക്കു നീങ്ങുമെന്ന കാര്യത്തിൽ സംശയമില്ല. പാസഞ്ചർ കാർവിപണിയിലെ മേൽക്കോയ്മ ചരക്കുവാഹനങ്ങളിലേക്കും വ്യാപിപ്പിക്കുകയാണ് ടാറ്റ. ചെറു വാണിജ്യ വാഹനമായ എയ്സിന്റെ ഇലക്ട്രിക് പതിപ്പ് ടാറ്റ വിപണിയിലെത്തിച്ചിരിക്കുകയാണ്. വിശദമായ കാഴ്ചയിലേക്ക്...

ഡിസൈൻ

വാണിജ്യ വാഹന വിഭാഗത്തിൽ, പ്രത്യേകിച്ചു ചെറുവാഹനങ്ങളിൽ ടാറ്റ തന്നെയാണ് മുന്നിൽ. അതിൽ എയ്തന്നെയാണ് വിൽപനയിൽ മുൻപൻ, ഇലക്ട്രിക് പതിപ്പെത്തു മ്പോഴും വിപണിയിൽ വിജയിച്ച എയ്സിന്റെ പുതിയ മോഡൽ ഗോൾഡിന്റെ ഡിസൈൻ മികവിൽ തന്നെയാണ് എയ്സ് ഇവിയുടെയും വരവ്.

ഡിസൈനിൽ പുതുമകളൊന്നുമില്ല. ഇവി വാഹനമാണെന്നു തിരിച്ച റിയാൻ കഴിയുന്നതു ബാഡ്ജി കൊണ്ടു മാത്രം. നീളവും ഉയരവുമെല്ലാം ഐസിഇ മോഡൽ എയ്സിനോടു തുല്യം.