આ દીકરાનું ઘર વસાવે છે દીકરીઓનો સંસાર

રાજકોટમાં દર વર્ષે એક લગ્નોત્સવ યોજાય છેઃ “વહાલુડીના વિવાહ'. જે યુવતીનાં માતા-પિતા બને કે પછી પિતા ન હોય એમને રંગેચંગે, ભવ્યતાથી પરણાવી દેવાની જવાબદારી અહીંની સંસ્થા “દીકરાનું ઘર” નિભાવે છે અને કાયમી જોડાઈ જાય છે આ દીકરીઓના પરિવારની સાથે, આ લગ્નની ભવ્યતા કોઈ લખપતિ પરિવારનાં લગ્ન કરતાં સહેજ પણ ઓછી હોતી નથી.

- જવલંત છાયા (રાજકોટ)

લગ્નને ચાર વર્ષ થઈ ગયાં. સમય ક્યાં વીતી ગયો ખબર પડતી નથી. તમને બધાને અમે યાદ કરીએ છીએ. તમે પણ ત્યાં બધાને યાદ આપજો. જિગરની હમણાં બદલી થઈ છે. સેટ થશે પછી હું એમની સાથે જઈશ.. જે રીતે મારાં લગ્નનો પ્રસંગ પાર પડ્યો એ મને આજે પણ સપનું લાગે છે..