വാമനൻ

ഇന്ദ്രൻസ് കേന്ദ്രകഥാപാത്രത്തെ അവതരിപ്പിക്കുന്ന ഏറ്റവും പുതിയ ചിത്രമാണ് വാമനൻ.

വാഴൂർ ജോസ്

പീരുമേട്ടിൽ ഈ ചിത്രത്തിന്റെ ചിത്രീകരണം ആരംഭിച്ചു.

നവാഗതനായ എ.ബി.ബിനിൽ തിരക്കഥ രചിച്ച് സംവിധാനം ചെയ്യുന്ന ഈ ചിത്രം നിർമ്മിക്കുന്നത് മൂവി ഗാങ് പ്രൊഡക്ഷൻസിന്റെ ബാനറിൽ അരുൺ ബാബു, കെ.ബി.സമഹ് അലി എന്നിവരാണ്.

ഒരു സൈക്കോ ത്രില്ലർ

പരിമിതമായ കഥാപാത്രങ്ങളിലൂടെ പ്രേക്ഷകരെ ഏറെ ആകർഷിക്കുന്ന ഒരു ചിത്രമായിരിക്കുമിത്.

പ്രേക്ഷകരെ ഉദ്യോഗത്തിന്റെ മുൾമുനയിലൂടെ കൊണ്ടു പോകുവാൻ സംവിധായകനായ ബിനിൽ ശ്രമിക്കുന്നു എന്നതാണ് ഈ ചിത്രത്തിന്റെ പ്രത്യേകതയും.

ഒരു ഹിൽ ഏരിയായുടെ പശ്ചാത്തലം

ഇങ്ങനെയൊരു പ്രദേശത്തെ റിസോർട്ടുമാനേജരാണ് വാമനൻ. ഭാര്യ സുധയും ഏകമകൾ ദുർഗയുമടങ്ങുന്ന ഈ കൊച്ചു കുടുംബം റിസോർട്ടിനടുത്തു തന്നെ ഒരു വാടക വീട്ടിലാണ് താമസിക്കുന്നത്.

ഇവരുടെ ഏറെക്കാലത്തെ ഒരാഗ്രഹമാണ് ഒരു സ്വന്തം വീടു വാങ്ങുകയെന്നത്. തങ്ങളുടെ പരിമിതമായ വരുമാനത്തിലൂടെ ഒരു കൊച്ചു വീടു വാങ്ങി അങ്ങോട്ടേക്കു താമസ്സവും മാറ്റി. ഈ വീട്ടിൽ താമസമാരംഭിച്ചപ്പോൾ മുതൽ ചില അസ്വാഭാവികമായ സംഭവങ്ങൾ വാമനന്റെ ജീവിതത്തിൽ അരങ്ങേറുന്നത് ഈ കുടുംബത്തെ ഏറെ ഭീതിയിലാഴ്ത്തി.