કોંગ્રેસ નક્સલીની જેમ ઉદ્યોગ સાહસિકોને પણ દેશના દુશ્મન માને છેઃ વડાપ્રધાન નરેન્દ્ર મોદી

જમશેપુરની જાહેરસભામાં કોંગ્રેસ અને જેએમએમ પર વડાપ્રધાનના આકરા પ્રહારો

- 

‘કોંગ્રેસ નક્સલવાદીઓની જેમ ઉદ્યોગ સાહસિકોને પણ દેશના દુશ્મન માને છે. દેશની સૌથી જૂની રાજકીય પાર્ટી કોંગ્રેસે ઝારખંડ મુક્તિ મોરચો(જેએમએમ) સાથે મળીને બળજબરીથી વસૂલાત કરવાની જવાબદારી લીધી છે’ તેમ જણાવતાં વડાપ્રધાન નરેન્દ્રમોદીએ જમશેદપુરમાં એક જાહેરસભા દરમિયાન કોંગ્રેસ પર આકરા પ્રહાર કર્યા હતા.

વડાપ્રધાન નરેન્દ્ર મોદીએ કહ્યું કે, ‘‘આખી દુનિયા જાણે છે કે દેશની પ્રગતિ માટે ઉદ્યોગો જરુરી છે. જમશેદપુરનું નામ જ જમશેદજી ટાટાના નામ પર છે. જોકે, કોંગ્રેસ પાર્ટી ઉદ્યોગ સાહસિકોને દેશના દુશ્મન માને છે. કોંગ્રેસ અને જેએમએમ  જેવી પાર્ટીઓને દેશના ઉદ્યોગમાં કોઈ રસરુચિ નથી, તેમને ફક્ત ભ્રષ્ટાચાર અને બળજબરીથી વસૂલાતમાં જ રસ છે.’’