M7.8 lindol sa Mindanao: 32 patay, 12 missing

Aabot na sa 32 katao ang nasawi habang 12 ang pinaghahanap at nasa 134 ang nasugatan kasunod nang malakas na magnitude 7.8 na lindol na tumama sa Maasim, Sarangani na nakaapekto rin sa iba pang bahagi ng Mindanao region nitong Lunes.

- Nina JOY CANTOS, ANGIE DELA CRUZ, JOHN UNSON, at DORIS FRANCHE-BORJA

Ito ang natanggap na ulat ni Office of Civil Defense (OCD) Spokesperson Junie Castillo bagama't patuloy pa rin ang beripikasyon at balidasyon ng kanilang Management of the Dead and Missing Cluster.

Sa ulat ng OCD ay 3 ang nasawi sa Davao Occidental, 10 sa General Santos at 2 sa Tupi, South Catabato, subalit patuloy pa rin ang beripikasyon.

Ayon kay Rene Punzalan, head ng Sarangani Provincial Disaster Risk Reduction and Management Office (PDRRMO), na 17 ang nasawi sa landslide at sa bilang na ito ay 13 ay mula sa Municipality of Glan habang ang apat ay mula sa bayan ng Malaptaan.

Ayon kay Castillo, ilan sa mga biktima ang nasawi dahil nabagsakan ng mga istruktura, natumbahan ng debris, at pagguho ng lupa.