இன்று சர்வதேச யோகா தினம்: ஆந்திரத்தில் பிரதமர் தலைமையில் பிரம்மாண்ட நிகழ்ச்சி

11-ஆவது சர்வதேச யோகா தினம் சனிக்கிழமை (ஜூன் 21) கொண்டாடப்படுகிறது. இதையொட்டி, ஆந்திர மாநில துறைமுக நகரான விசாகப்பட்டினத்தில் பிரதமர் நரேந்திர மோடி தலைமையில் மிக பிரம்மாண்ட யோகா நிகழ்ச்சி நடைபெறவுள்ளது.

- 

அமராவதி, ஜூன் 20:

3 லட்சத்துக்கும் மேற்பட்டோர் பங்கேற்கும் இந்நிகழ்ச்சி, கின்னஸ் உள்பட பல்வேறு உலக சாதனைகளைப் படைக்கும் என்று மாநில முதல்வரும், பாஜகவின் கூட்டணி கட்சியான தெலுங்கு தேசம் தலைவருமான சந்திரபாபு நாயுடு தெரிவித்தார்.

பிரதமர் மோடியின் முன்னெடுப்பால், ஜூன் 21-ஆம் தேதியை சர்வதேச யோகா தினமாக ஐ.நா. கடந்த 2014-இல் ஏற்றது. இதைத் தொடர்ந்து, 2015-இல் இருந்து ஒவ்வோர் ஆண்டும் சர்வதேச யோகா தினம் உற்சாகத்துடன் கொண்டாடப்பட்டு வருகிறது.