சர்க்கரை நோய் விழிப்புணர்வு தினம் ஏன்...? எதற்கு? எப்படி...?

உலக நீரிழிவு தினம் ஆண்டுதோறும் நவம்பர் 14-இல் உலகம் முழுவதும் கடைப்பிடிக்கப்படுகிறது. இந்தத் தினம் 1922ஆம் ஆண்டில் இன்சுலின் ஹார்மோனை கண்டுபிடித்த கனேடிய விஞ்ஞானி சர் ஃப்ரெட்ரிக் பேண்டிங் பிறந்த நாளை நினைவுப்படுத்தும் வகையில் தேர்வானது.

- தொகுப்பு : தி. நந்தகுமார்

இவர், 1891-ஆம் ஆண்டு நவம்பர் 14-இல் கனடாவின் ஒன்டாரியோ மாகாணத்தில் பிறந்தார். சிறுவயதிலிருந்தே அறிவியல், மருத்துவத் துறையில் பெரும் ஆர்வம் கொண்டவர். 1916-இல் டொரோண்டோ பல்கலைக்கழகத்தில் மருத்துவப் பட்டம் பெற்றார். முதலாவது உலகப் போரின்போது கனேடிய ராணுவத்தில் மருத்துவராகப் பணியாற்றினார். போருக்குப் பிறகு அவர், மருத்துவ ஆராய்ச்சியில் ஈடுபட்டார்.