ஜப்பான் பிரதமர் ஷிகெரு இஷிபா திடீர் ராஜிநாமா

ஜப்பான் பிரதமர் பதவியை ராஜிநாமா செய்வதாக ஷிகெரு இஷிபா ஞாயிற்றுக்கிழமை தெரிவித்தார்.

- 

டோக்கியோ, செப். 7:

கடந்த ஜூலையில் நடைபெற்ற அந்நாட்டு நாடாளுமன்ற மேலவைத் தேர்தலில், ஆளும் லிபரல் ஜனநாயக கட்சி கூட்டணி சந்தித்த பின்னடைவுக்குப் பொறுப்பேற்று, அவர் ராஜிநாமா செய்ய வேண்டும் என்று அவரின் சொந்தக் கட்சியினரே அழுத்தம் அளித்து வந்த நிலையில், இந்த முடிவை அவர் எடுத்துள்ளார்.

கடந்த ஜூலையில் 248 இடங்களைக் கொண்ட ஜப்பான் நாடாளுமன்ற மேலவைத் தேர்தல் நடைபெற்றது. இதில் பெரும்பான்மைக்குத் தேவையான 125 இடங்களைவிட மூன்று இடங்கள் குறைவாக 122 இடங்களில் மட்டுமே ஆளும் லிபரல் ஜனநாயகக் கட்சியும், அதன் கூட்டணிக் கட்சியான கோமெய்டோவும் வெற்றி பெற்றன. இதைத் தொடர்ந்து நாடாளுமன்றத்தில் இஷிபா தலைமையிலான ஆளும் கூட்டணி பெரும்பான்மையை இழந்தது.