கேரள ஆளும் இடதுசாரி கூட்டணியில் சர்ச்சை

‘பிஎம் ஸ்ரீ’ திட்டத்தில் இணைந்ததால் கருத்து வேறுபாடு

- 

'பிஎம் ஸ்ரீ' பள்ளிகள் திட்டத்தில் இணைய மத்திய அரசுடன் கேரள அரசு புரிந்துணர்வு ஒப்பந்தம் செய்துகொண்ட விவகாரம், அந்த மாநிலத்தில் ஆளும் மார்க்சிஸ்ட் கம்யூனிஸ்ட் தலைமையிலான இடதுசாரி கூட்டணியில் கருத்துவேறுபாட்டை ஏற்படுத்தியுள்ளது.

தங்களுக்குத் தெரிவிக்காமல் கேரள அரசின் கல்வித் துறை மத்திய அரசுடன் இந்த ஒப்பந்தத்தை மேற்கொண்டது என்றும் இது கூட்டணியின் கூட்டு ஒழுங்கை மீறிய செயல் என்றும் ஆளும் கூட்டணியில் இடம்பெற்றுள்ள இந்திய கம்யூனிஸ்ட் கட்சி கடுமையாகச் சாடியுள்ளது.

மேலும், இது தேசிய கல்விக் கொள்கையை கேரளத்தில் அமல்படுத்த வழிவகுக்கும் என்றும் இந்திய கம்யூனிஸ்ட் எச்சரித்துள்ளது.