மோடியுடன் பிலிப்பின்ஸ் அதிபர் சந்திப்பு

இந்தியாவுக்கு அரசுமுறைப் பயணம் மேற்கொண்டுள்ள பிலிப்பின்ஸ் அதிபர் ஃபெர்டினாண்ட் ஆர். மார்கோஸ் பிரதமர் நரேந்திர மோடியை செவ்வாய்க்கிழமை சந்தித்து ஆலோசனை நடத்தினார்.

- 

புது தில்லி, ஆக.5:

அதன்பிறகு இருநாடுகளுடையே பல்வேறு துறைகளில் ஒத்துழைப்பை மேம்படுத்தும் வகையில் 14 புரிந்துணர்வு ஒப்பந்தங்கள் கையொப்பமிடப்பட்டன.

கடந்த ஆக.3, 4 ஆகிய தேதிகளில் இந்தியா-பிலிப்பின்ஸ் நாடுகள் இணைந்து சீனா ஆதிக்கம் செலுத்தி வரும் தென் சீனக் கடலில் முதல்முறையாக கடற்படை கூட்டுப் பயிற்சி மேற்கொண்டது.

இதைத்தொடர்ந்து, 5 நாள் அரசுமுறைப் பயணமாக பிலிப்பின்ஸ் அதிபர் ஃபெர்டினாண்ட் மார்கோஸ் மற்றும் அவரது மனைவி லுயீஸ் அரனேட்டா கடந்த திங்கள்கிழமை இந்தியா வந்தடைந்தனர்.

இந்தியா-பிலிப்பின்ஸ் இடையேயான தூதரக உறவுகள் நிறுவப்பட்டு 75 ஆண்டுகள் நிறைவடைந்ததுள்ள நிலையில், அதிபராகப் பதவி ஏற்ற பின் முதல்முறையாக ஃபெர்டினாண்ட் மார்கோஸ் இந்தியா வந்துள்ளார்.

அவரை திங்கள்கிழமை சந்தித்து வெளியுறவு அமைச்சர் ஜெய்சங்கர் ஆலோசனை நடத்தினார்.

அதன்பிறகு குடியரசுத் தலைவர் மாளிகையில் ஃபெர்டினாண்ட் மார்கோஸுக்கு செவ்வாய்க்கிழமை ராணுவ அணிவகுப்புடன் வரவேற்பு அளிக்கப்பட்டது. இந்த நிகழ்ச்சியில் குடியரசுத் தலைவர் திரௌபதி முர்மு, பிரதமர் மோடி, வெளியுறவு அமைச்சர் ஜெய்சங்கர், மத்திய கல்வி அமைச்சர் தர்மேந்திர பிரதான் உள்ளிட்டோர் பங்கேற்றனர்.

எதிர்காலத்தின் நம்பிக்கை: