தேசிய ஜனநாயக கூட்டணியில் பிணைப்பு

பிரதமர் மோடி வலியுறுத்தல்

- 

புது தில்லி, ஆக. 5: தேசிய ஜனநாயக கூட்டணியில் (என்டிஏ) பிணைப்பு மற்றும் ஒருங்கிணைப்பைப் பேண வேண்டும் என்று பிரதமர் நரேந்திர மோடி வலியுறுத்தினார்.

பிராந்திய ரீதியில் சொந்த பலத்தைப் பொருள்படுத்தாமல், பாஜக மற்றும் கூட்டணி கட்சிகள் ஒன்றுபட்டு செயலாற்ற வேண்டும் என்று அவர் கேட்டுக் கொண்டார்.

நாட்டில் மொத்தமுள்ள 28 மாநிலங்களில் 19-இல் பாஜக மற்றும் அதன் கூட்டணி ஆட்சி நடைபெறுகிறது; பிகாரில் நடப்பாண்டு இறுதியிலும், தமிழகம் உள்ளிட்ட சில மாநிலங்களில் அடுத்த ஆண்டிலும் பேரவைத் தேர்தல் நடைபெறவிருக்கும் நிலையில், பிரதமரின் கருத்துகள் முக்கியத்துவம் பெற்றுள்ளன.