என்னை மாட்டிவிட்டவர் ஏ.ஆர். ரஹ்மான்!

ராஜீவ் மேனன், இந்தியாவின் மிகச் ஒளிப்பதிவாளர்களின் சிறந்த முன்வரிசையில் இருப்பவர். ஆயிரக் கணக்கான விளம்பரப்படங்களை எழுதி இயக்கியவர். திரைப்பட இயக்குநர், வனவிலங்கு புகைப்படக் கலைஞர், செவ்வியல் இசை ஆர்வலர், பாடகர், திரைக்கலை ஆசிரியர், திரைப்பட நடிகர் எனப் பல முகங்கள் கொண்டவர். அவருடன் எழுத்தாளரும் நடிகருமான ஷாஜி சென் நிகழ்த்திய உரையாடலில் பகிரப்பட்ட விஷயங்களின் சுருக்கமான எழுத்து வடிவம் இதோ.

- முத்துமாறன்

'என்னோட அப்பா ஒரு கடற்படை அதிகாரி. அந்தச் சூழலில்தான் வளர்ந்தேன். இசைத்திறன் வாய்ந்த என் அம்மாவுக்கு ஒரு பாடகியாகவேண்டும் என்ற அளப்பரிய ஆசை. அவங்களுக்கு திரைப்படங்களில் பாடும் வாய்ப்புக் கிடைக்கணும் என்பதற்காக சென்னைக்கு வேலை மாற்றம் வாங்கி வந்தார் அப்பா. ஆனால் வந்த இரண்டு மாதத்தில் ஹார்ட் அட்டாக்கில் இறந்துட்டார். அப்போது எனக்கு 15 வயது. அம்மாவுக்கு 37 வயது. என் அப்பாவும் அம்மாவும் ஒற்றைப் பிள்ளைகளாகப் பிறந்தவங்க. அதனால் எனக்கு அங்கிள்னு சொல்றதுக்கு யாரும் இல்லை. சின்ன வயதிலேயே தந்தையின் மரணம் என்னை ரொம்ப பாதித்தது. இந்த உலகில் எதுவுமே நிலையானது இல்லை என்கிற உணர்வு ஏற்பட்டது. தமிழ்ப்படங்கள் பாரதிராஜா, பாலுமகேந்திரா என்று ஸ்டூடியோவை விட்டு வெளியே வந்த காலகட்டம். அதைப் பார்த்து எனக்கும் திரைப்படக் கலைமீது