தி.மு.க. ஆட்சி அகல இன்னும் 4 அமாவாசைகள்தான் உள்ளன!

சென்னையில் நடந்த அ.தி.மு.க. ஆர்ப்பாட்டத்தில் ஜெயக்குமார் பேச்சு!!

- 

கள்ளஓட்டு தி.மு.க.வுக்கு இன்னும் 4 அமாவாசைதான் இருக்கிறது. அதிகாரிகள் நேர்மையாக செயல்பட வேண்டும் என முன்னாள் அமைச்சர் ஜெயக்குமார் தெரிவித்துள்ளார்.

வாக்காளர் பட்டியல் சிறப்பு தீவிர திருத்தப் பணிகளில் தி.மு.க. வினரால் நிகழ்த்தப்படும் பல்வேறு முறைகேடுகளை கண்டித்து அதிமுக சென்னை ஒருங்கிணைந்த மாவட்டங்களின் சார்பில் சென்னை எழும்பூர் ராஜரத்தினம் மைதானம் அருகே ஆர்ப்பாட்டம் நடைபெற்றது.

இதில் முன்னாள் அமைச்சர்கள் டி. ஜெயக்குமார், பா. வளர்மதி, கோகுல இந்திரா, மாவட்ட செயலாளர்கள் நா. பாலகங்கா, ஆதிராஜாராம், விருகை வி.என். ரவி, தி. நகர் சத்யா, ஆர்.எஸ். ராஜேஷ், எம்.கே. அசோக், கே.பி.கந்தன், புரசை வி.எஸ். பாபு, அமைப்புச் செயலாளர் ராயபுரம், ஆர். மனோ, இலக்கிய அணி இணைச் செயலாளர் டி. சிவராஜ், மீனவர் அணி துணை செயலாளர் எஸ். நீலகண்டன், ஆயிரம் விளக்கு வடக்கு பகுதி செயலாளர் வழக்கறிஞர் சதாசிவம், எம்ஜிஆர் மன்ற மாவட்ட இணை செயலாளர் வே. திருநாவுக்கரசு, நிர்வாகிகள் ஜே. ஏ. சிவசுப்பிரமணியன், முகமது இம்தியாஸ், கணேஷ் பாபு, சைதை ஆ. பழனி உட்பட பலர் கலந்து கொண்டனர்.

இந்த ஆர்ப்பாட்டத்தில் கலந்து கொண்ட முன்னாள் அமைச்சர் ஜெயக்குமார் பேசியதாவது:

எஸ்.ஐ.ஆர் பணிகள் கடந்த 2002-ஆம் ஆண்டு திமுக மத்திய அரசுக்கு ஆதரவு கொடுத்த காலத்தில் கொண்டுவரப்பட்டது. அன்றைக்கு வாயை மூடிக்கொண்டு இருந்த தற்போதைய முதல்வர் இப்போது எதிர்க்கிறார்.