சிறுநீரக திருட்டு விவகாரம்: திருச்சி தனியார் மருத்துவமனைக்கு உறுப்பு மாற்று சிகிச்சை உரிமம் ரத்து!

தமிழக அரசு நடவடிக்கை!!

- 

மராட்டிய மாநில விவசாயிகளிடம் சிறுநீரகங்களை அபகரித்து முறைகேட்டில் ஈடுபட்டதாக எழுந்த குற்றச்சாட்டின் அடிப்படையில் தமிழக அரசு சிறப்பு குழு அமைத்து விசாரணை நடத்தியது. இந்த குழுவின் முதல் கட்ட விசாரணை அறிக்கையின் அடிப்படையில் திருச்சி ஸ்டார் கிம்ஸ் மருத்துவமனைக்கு சிறுநீரக மாற்று அறுவை சிகிச்சைக்கான உரிமத்தை தற்காலிகமாக ரத்து செய்து நடவடிக்கை எடுக்கப்பட்டுள்ளது.

தமிழகத்தில் ஏழை எளிய மக்களை குறிவைத்து கிட்னி திருட்டு சம்பவம் நடைபெற்று வருவது தொடர்கதையாக உள்ளது. நாமக்கல் மாவட்டத்தில் வறுமையால் வாடும் விசைத்தறி தொழிலாளர்களை ஏமாற்றி சிறுநீரகங்களை விற்பனை செய்த சம்பவம் பெரும் அதிர்ச்சியை ஏற்படுத்தியது.