வாழ்வாதாரத்துக்கு ஏற்ற திட்டங்களை வகுப்போம்!

இந்திய ஆறுகளில் பெரும்பாலானவை மாசுபட்ட நிலையில் இருப்பதாக தரவுகள் தெரிவிக்கின்றன. மக்கள் தொகை பெருக்கம், தொழிற்சாலை - நகரமயமாக் கல் வளர்ச்சி போன்றவற்றின் காரணமாக நீராதாரங்களில் கழிவுநீர் கலப்பது அதிகரித்து வருகிறது. மத்திய மாசுக்கட்டுப்பாடு வாரியம் 2018-ல் ஆய்வு ஒன்றை நடத்தியது. அதன் முடிவில் இந்தியாவில் 323 ஆறுகளில் 13 சதவீதம் கடுமையான அளவில் மாசுபட்டுள்ளதாகவும் 17 சதவீதம் மிதமான அளவில் மாசடைந்திருப்பதாகவும் தெரியவந்துள்ளது. மேலும் நகரங்களில் இருந்து வரும் வீட்டுக் கழிவு நீரே இந்தியாவில் நீர் நிலைகள் மாசுபடுவதற்கு முக்கிய ஆதாரமாக இருப்பதாகவும் அந்த ஆய்வு சுட்டிக்காட்டியுள்ளது.

- 

இதன் அடிப்படையில் கழிவுநீர் சுத்திகரிப்புக்கு இந்தியா மேம்பட்ட புதிய வழிகளை கண்டறிய வேண்டும் என நிபுணர்களும் வலியுறுத்தி வருகின்றனர். தொற்று நோய்களில் 21 சதவிகிதம் அசுத்தமான தண்ணீருடன் தொடர்புடையவை என உலக வங்கி குறிப்பிடுகிறது. அந்த வகையில் மாசடைந்த நீர் வயிற்றுப்போக்கு, தொற்றுநோய், ஊட்டச்சத்து குறைபாடு ஏற்படக் காரணமாகிறது. மாசடைந்த நீரால் உலகம் முழுவதும் ஒவ்வொரு ஆண்டும் 17 லட்சம் பேர் உயிரிழக்கின்றனர். குறிப்பாக 90 சதவிகித இறப்புகள் (பெரும்பாலானவர்கள் குழந்தைகள்) இந்தியா போன்ற வளரும் நாடுகளில் ஏற்படுகின்றன.