கல்லூரி மாணவர்களுக்கு கஞ்சா விற்பனை செய்த 4 பேர் கைது

ஸ்ரீவில்லிபுத்தூர் அருகேயுள்ள கிருஷ்ணன்கோவிலில் கல்லூரி மாணவர்களுக்கு கஞ்சா விற்பனை செய்த 4 பேரை போலீஸார் செவ்வாய்க்கிழமை கைது செய்தனர்.

- 

ஸ்ரீவில்லிபுத்தூர், ஆக. 26:

ஸ்ரீவில்லிபுத்தூர் அருகேயுள்ள கிருஷ்ணன்கோவில் காவல் நிலைய ஆய்வாளர் தேவமாதா, காவல் உதவி ஆய்வாளர் மதிவாணன் ஆகியோர் தலைமையிலான போலீஸார் செவ்வாய்க்கிழமை ரோந்துப் பணியில் ஈடுபட்டனர். இந்த நிலையில், மதுரை - கொல்லம் தேசிய நெடுஞ்சாலையில் குன்னூர் விலக்குப் பகுதியில் இருசக்கர வாகனங்களில் வந்த 6 பேரை நிறுத்தி சோதனை செய்தபோது, அவர்களிடம் 50 கிராம் கஞ்சா இருப்பது தெரியவந்தது.