தந்தை, மகன் உள்பட 5 பேர் உயிரிழப்பு

கரூர் அருகே சனிக்கிழமை அதிகாலை சுற்றுலா வேன் மீது ஆம்னி பேருந்து மோதிய விபத்தில் தந்தை, மகன் உள்பட 5 பேர் உயிரிழந்தனர்.

- 

கரூர், மே 17:

பெங்களூரில் இருந்து நாகர்கோவிலுக்கு ஆம்னி பேருந்து சனிக்கிழமை அதிகாலை புறப்பட்டு வந்து கொண்டிருந்தது. பேருந்தை பெங்களூரைச் சேர்ந்த சுதன் (35) என்பவர் ஓட்டி வந்தார்.

கரூரை அடுத்துள்ள நாவல்நகர் பகுதியில் வந்தபோது கட்டுப்பாட்டை இழந்த பேருந்து முன்னால் கரூர் சின்னவடுகப்பட்டியைச் சேர்ந்த முருகன் (55) என்பவர் ஓட்டிச்சென்ற டிராக்டரின் பின்பகுதியில் மோதியது. மேலும், சாலையின் மைய தடுப்பைத் தாண்டி எதிர்திசையில் கோவில்பட்டியில் இருந்து ஏற்காடு நோக்கிச் சென்ற சுற்றுலா வேன் மீது பேருந்து மோதியது. இதில் டிராக்டர், வேன் மற்றும் பேருந்தின் முன்பகுதி முழுமையாக சேதமடைந்தது.