உங்களுடன் ஸ்டாலின் திட்ட மனுக்கள் மீது துரித நடவடிக்கை

உங்களுடன் ஸ்டாலின்' திட்ட முகாமில் பெறப்படும் மனுக்கள் மீது துரித நடவடிக்கை எடுக்காமல் காரணம் கூறக்கூடாது என்று நீர்வளத்துறை அமைச்சர் துரைமுருகன் அறிவுறுத்தியுள்ளார்.

- 

வேலூர், ஜூலை 15: 'உங்களுடன் ஸ்டாலின்' திட்ட முகாமில் பெறப்படும் மனுக்கள் மீது துரித நடவடிக்கை எடுக்காமல் காரணம் கூறக்கூடாது என்று நீர்வளத்துறை அமைச்சர் துரைமுருகன் அறிவுறுத்தியுள்ளார்.

தமிழகம் முழுவதும் 'உங்களுடன் ஸ்டாலின்' திட்டம் செவ்வாய்க்கிழமை தொடங்கப்பட்ட நிலையில், வேலூர் மாவட்டத்தில் இம்முகாமை காட்பாடி செங்குட்டை பெருமாள் கோயில் பகுதியில் அமைச்சர் துரைமுருகன் தொடங்கி வைத்தார்.

தொடர்ந்து, காட்பாடி ஒன்றியம், பொன்னையில் முகாமை தொடங்கி வைத்த அமைச்சர் துரைமுருகன், முகாமில் காதொலி கருவி கோரி மனுக்கள் வழங்கிய 3 மாற்றுத்திறனாளிகளுக்கு உடனடியாக காதொலி கருவிகளையும், முதல்வரின் விரிவான மருத்துவ காப்பீட்டு அட்டை கோரி விண்ணப்பம் அளித்த 2 பயனாளிகளுக்கு காப்பீட்டு அட்டைகளையும் வழங்கினார்.

நிகழ்ச்சியில், ஆட்சியர் வி.ஆர். சுப்புலட்சுமி, மேயர் சுஜாதா ஆனந்தகுமார், துணைமேயர் எம். சுனில்குமார், ஆணையர் லட்சுமணன், ஊரக வளர்ச்சி முகமை திட்ட இயக்குநர் பூ.காஞ்சனா, கோட்டாட்சியர் செந்தில்குமார் உள்ளிட்டோர் பங்கேற்றனர்.

திருப்பத்தூரில் 1,915 மனுக்கள்

'உங்களுடன் ஸ்டாலின்' திட்டத்தில் திருப்பத்தூர் மாவட்டத்தில் நடைபெற்ற 6 முகாம்களில் 1,915 மனுக்கள் பெறப்பட்டுள்ளன என ஆட்சியர் க. சிவசௌந்திரவல்லி தெரிவித்தார்.

வாணியம்பாடி அடுத்த சின்னவேப்பம்பட்டில் முகாமை, ஆட்சியர் க.சிவசௌந்திரவல்லி, ஜோலார்பேட்டை எம்எல்ஏ க.தேவராஜி ஆகியோர் கலந்து கொண்டு தொடங்கி வைத்தனர்.

உதயேந்திரம் பேரூராட்சியில்: