தஞ்சாவூர் - காரைக்கால் இரண்டாவது ரயில் பாதை பணிகள் தொடங்குவது எப்போது?

தஞ்சாவூர் - காரைக்கால் இடையே இரண்டாவது ரயில் பாதை அமைக்கும் பணிகள் எப்போது தொடங்கும் என ரயில் பயணிகள் மற்றும் பல்வேறு அமைப்பினரும் எதிர்நோக்கியுள்ளனர்.

- பா.லெனின்

நாகப்பட்டினம், ஜூன் 22:

1861 முதல் 1875 வரை நாகையில் தென்னிந்திய ரயில்வே கம்பெனியின் தலைமை அலுவலகம் செயல்பட்டது. அந்தக் காலத்தில் நாகை - தஞ்சை - திருச்சி இடையே அகல பாதை இருந்தது. ஆனால் தமிழகத்தில் மற்ற பகுதிகளில் ரயில்வே பாதைகள் மீட்டர் கேஜ் (Meter Gauge) பாதைகளாக இருந்ததால், திருச்சி வழியாக தஞ்சை மற்றும் நாகை பகுதிக்கு ரயில்கள் இயக்க முடியவில்லை. இதன் காரணமாக 1875-இல் நாகை - திருச்சி பாதை மீட்டர் கேஜ் பாதையாக மாற்றப்பட்டது. பின்னர், 2006-இல் நாகூர் - தஞ்சை ரயில் பாதை மீண்டும் அகல பாதையாக மாற்றப்பட்டது. 1929 ஆம் ஆண்டுக்குப் பிறகு, நாகையில் செயல்பட்ட ரயில்வே பணிமனை பொன்மலைக்கு மாற்றப்பட்டது.

ரயில் பாதை விரிவாக்கம்

புதுச்சேரி மாநிலம் காரைக்கால் மாவட்டத்தில் 2009-இல் புதிய தனியார் துறைமுகம் அமைக்கப்பட்டு, செயல்பட்டு வருகிறது. இதில் நிலக்கரி, சிமெண்ட், உரம் போன்ற பொருள்கள் இறக்குமதி செய்யப்பட்டு, பல்வேறு பகுதிகளுக்கு அனுப்பப்படுகிறது. இந்த துறைமுகத்திலிருந்து இறக்குமதி செய்யப்படும் பொருள்களை கையாள்வதற்காக, நாகை - காரைக்கால் இடையே 10 கி.மீ தூரம், நாகை - வேளாங்கண்ணி இடையே 10 கி.மீ தூரம், புதிய அகல ரயில் பாதைகள் 2011-இல் அமைக்கப்பட்டன.

சரக்குப் போக்குவரத்தால் கூடுதல் வருவாய்