பொருளாதாரம் வளர்வதால் வெளிநாட்டு முதலீடு வெளியேறுவதாக விளக்கம்

நிர்மலா சீதாராமனுக்கு கார்கே கண்டனம்

- 

புது தில்லி, பிப். 18: இந்தியப் பொருளாதாரம் வளர்வதால் அந்நிய முதலீட்டு நிறுவனங்கள் இந்தியப் பங்குச் சந்தைகளில் இருந்து முதலீட்டைத் திரும்பப் பெறுவதாக நிதியமைச்சர் நிர்மலா சீதாராமன் தெரிவித்துள்ள விளக்கத்தை காங்கிரஸ் தேசிய தலைவர் மல்லிகார்ஜுன கார்கே கடுமையாக விமர்சித்துள்ளார்.

எஃப்ஐஐ எனப்படும் அந்நிய முதலீட்டு நிறுவனங்கள் இந்தியப் பங்குச் சந்தையில் செய்திருந்த முதலீட்டைத் திரும்பப் பெற்று வருகின்றன. இதனால் பங்குச் சந்தை சரிவைச் சந்தித்து வருகிறது. இது தொடர்பாக விளக்கமளித்த நிதியமைச்சர் நிர்மலா சீதாராமன், "இந்தியப் பொருளாதாரம் வளர்வதால் முதலீடுகளுக்கு நல்ல லாபம் கிடைக்கிறது. இதனால் அந்நிய முதலீட்டு நிறுவனங்கள் (எஃப்ஐஐ) தங்கள் கைவசம் உள்ள பங்குகளை விற்பனை செய்து லாபம் ஈட்டி வருகின்றன" என்றார்.